HATAW! D'yaryo ng Bayan hatawtabloid.com
ARESTADO ang isang babae at tatlong lalaking pawang hinihinalang mga tulak ng ilegal na droga sa ikinasang buy bust operation ng mga awtoridad sa lungsod ng Cabanatuan, lalawigan ng Nueva Ecija, nitong Martes ng tanghali, 1 Marso.
Kinilala ang mga suspek na sina Byron Kier Reyes, alyas Ron, 25 anyos; Mayean Santos, 27 anyos, kapwa residente ng Lexber Subdivision, Brgy. Bangad; Antonio Lumibao, Jr., 50 anyos, residente sa Lakewood Subdivision, Brgy. Sumacab Este; at
Rogelio Grajo, Jr., 39 anyos, residente sa Brgy. Kapitan Pepe, pawang sa naturang lungsod.
Nakompiska mula sa mga suspek ang limang selyadong pakete ng plastic na naglalaman ng halos 28 gramo ng hinihinalang shabu na tinatayang nagkakahalaga ng P170,000; at marked money na ginamit ng poseur buyer.
Isinagawa ang entrapment operation ng magkatuwang na puwersa ng mga tauhan ng Nueva Ecija Provincial Police Office at mga ahente ng PDEA Nueva Ecija.
Nakatakdang sampahan ng ng kasong paglabag sa RA 9165 o Comprehensive Dangerous Drugs Act of 2002 ang mga suspek sa korte. (MICKA BAUTISTA)
