HATAW! D'yaryo ng Bayan hatawtabloid.com
HANDANG komprontahin nina presidential candidate Senator Panfilo “Ping” Lacson ang nasa likod ng demolition job na ‘Oplan Wasak’ laban sa kanila sa sandaling makakalap o makakuha sila ng sapat na ebedensiya.
Ayon kay Lacson, nakuha nila ang impormasyon mula sa kampo ng isa sa mga tambalang katunggali nila.
Ngunit tumanggi si Lacson o maging si Sotto na tukuyin ang pagkakakilanalan nito.
Paliwanag ni Lacson, idadaan sa tatlong grupo ang gagawing ‘oplan wasak’ laban sa kanilang tambalan upang matiyak na masira ang mga imahen nila sa publiko.
Katuwiran ni Lacson, sinabi niya sa kanyang team matapos malaman ang naturang impormasyon, mas maigi pang unahan niya ang demolition job o ‘oplan wasak’ kaysa unahan siya nito.
Tinukoy ni Lacson na naranasan niyang maunahan ng demolition job o ‘oplan wasak’ noong isang beses siyang nabiktima nito na siniraan nang siniraan siya at kahit ipinagtanggol ang sarili ay naunahan ng maling paratang at impormasyon.
Sinabi ni Lacson, mayroon pa silang mga kabigan na mayroong kabigan sa ibang mga tambalan.
Tiniyak ni Lacson, sa sandaling matukoy kung sino ang nasa likod ay tiyak na isasapubliko nila ang pangalan.
Hindi na bago kay Lacson ang mga ganitong uri ng harassment. Matatandaan na target siya noon ng paninira at pekeng impormasyon na ipinakalat nina Antonio Luis Marquez (a.k.a. Angelo “Ador” Mawanay), Mary Ong (a.k.a. Rosebud), at noo’y Intelligence Service of the Armed Forces of the Philippines chief Victor Corpus, kalaunan ay umamin sa kanilang kasinungalingan at humingi ng tawad kay Lacson.
Ang mga pangyayaring ito ay nakasaad din sa librong “Deus Ex Machina” na isinulat ni dating Pangulong Gloria Macapagal Arroyo.
“For most of my career in public service, I was either eating death threats or smear campaigns for breakfast, lunch and dinner. This is not new to me. But it’s high time that the people wake up to the reality that unbridled corruption destroys our nation and the future of our children,” ani Lacson. (NIÑO ACLAN)
