HATAW! D'yaryo ng Bayan hatawtabloid.com
BUMULAGTA ang isang lalaki matapos pumalag at magpaputok ng baril sa isang COMELEC checkpoint sa lalawigan ng Nueva Ecija.
Sa ulat na nakalap mula sa pulisya sa Nueva Ecija, kinilala ang napaslang na suspek na si Aldrin Manalang, 33 anyos.
Ayon sa mga awtoridad, pinahinto si Manalang sa checkpoint nang biglang bumunot ng baril at pinaputukan ang mga pulis.
Dito napilitang gumanti ng putok ang mga nakaposteng pulis sa lugar at nasapol ang suspek na agad niyang ikinamatay.
Narekober ng mga operatiba mula sa suspek ang tatlong plastic sachet ng hinihinalang shabu at isang kalibre .38 paltik. (MICKA BAUTISTA)
