Jeremiah may bagong kanta (After 20 years)

MATABIL
ni John Fontanilla

ILANG dekada na bago muling gumawa ng panibagong kanta ang grupong sumikat noong 90’s, ang Jeremiahna kinabibilangan nina Olan Crizaldo, Symon Soler, Froi Calixto, Piwee Polintan.

Ang Jeremiah ang nagpasikat ng mga awiting tumatak sa puso’t isipan ng mga Pinoy katulad ng Nanghihinayang, Bakit Ako Iiyak, Oh Babe, Ganyan ako, Kunin Mo Na Ang Lahat Sa Akin atbp.

After 20 years na paghihintay ng mga solid supporters ng mga ito ay eto na nga ang kanilang awiting Halaga na mapakikinggan na sa Spotify, Apple Music and YouTube mula sa komposisyon ni Master Vehnee Saturno at hatid ng Saturno Music.

At kahir nga may kanya-kanya ng ganap sa kani-kanilang buhay ang bawat miyembro ng Jeremiah, na ang iba sa kanila ay nasa ibang bansa, nagawa pa rin nilang makapag-record ng song para sa kanilang mga minamahal na tagahanga.