HATAW! D'yaryo ng Bayan hatawtabloid.com
MATABIL
ni John Fontanilla
DALAGANG-DALAGA na ang dating child star at isa sa cast ng hit Kapuso Afternoon Prime na Primadonnas na pinagbibidahan nina Althea Ablan, Sofia Pablo, at Jillian Ward.
At habang nagdadalaga ito ay mas lalong gumaganda at mas humuhusay bilang aktres kaya naman sunod-sunod ang ginagawa nitong proyekto sa GMA 7.
Pero kahit dalaga na si Elijah, wala pa siyang balak magka-dyowa, mas gusto muna nitong tutukan ang kanyang showbiz career.
Sayang naman ‘yung magandang break na ibinibigay sa kanya ng GMA 7 kung hindi niya pahahalagahan at magpo-focus lang siya sa lovelife. Kaya naman it’s a big no sa pakikipag-dyowa ngayong 2022.
Bukod pa sa may tamang edad at tamang panahon ang pagkakaroon ng special someone, masyadong bata pa siya para rito. Gusto ri niya munang matupad ang kanyang mga pangarap para sa kanyang sarili at sa kanyang pamilya bago mag-boyfriend.
Ilan pa sa makakasama ni Elijah sa Primadonnas Book 2 sina Aiko Melendez, Sheryl Cruz, Chanda Romero, Wendel Ramos, Will Ashley, Allen Ansay atbp. na idinidirehe nina Gina Alajar at Philip Lazaro.
