NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod ng Cebu, nitong Biyernes ng hapon, 26 Nobyembre.
Ayon kay Fulbert Navaro, imbestigador ng Cebu City Fire Department, nagsimula ang sunog dakong 5:06 pm sa inuupahang silid ng isang Rolly Siso, 39 anyos.
Pinagtulungang bugbugin ng kanyang mga kapitbahay si Siso, isang dating PDL (person deprived of liberty) sa akusasyong sinadya niyang sunugin ang kaniyang silid.
Dinala si Siso sa pagamutan dahil sa tama ng bala ng baril, mga pasa at mga sugat sa iba’t ibang bahagi ng kanyang katawan.
Hindi pa natutukoy ng pulisya kung sino ang bumaril kay Siso.
Naging kontrobersiyal rin ang insidente nang ipinaratang ni Cebu City South District Rep. Rodrigo Abellanosa na hindi agad nakaresponde ang mga pamatay-sunog dahil ginamit ang mga truck ng bombero sa libing ni Mayor Edgardo Labella.
Nakita ang ilang truck ng bombero na nakahimpil sa gilid ng parada ng libing upang magbigay ng ‘water salute’ para sa namayapang alkalde.
Ani Abellanosa, pinupuna niya ang desisyon ng mga organizer ng libing sa paggamit ng mga fire truck at hindi ang pagpupugay sa yumaong alkalde.
Samantala, pinasinungalingan ni Cebu City Councilor Dave Tumulak na naging dahilan ng pagkaantala ng pagresponde ng mga pamatay-sunog ang pagbibigay ng ‘water salute’ kay Labella sa kanyang libing.
Ayon sa fire department, nasa bisinidad ng sunog ang kanilang mga truck anim na minuto matapos sumiklab ang apoy, at hindi bababa sa 40 fire truck ang nagresponde rito.
Idineklarang kontrolado ang sunog dakong 7:12 pm at tuluyang naapula bandang 7:24 pm.
Check Also
Anti-graft posturing ni Mayor Vico Sotto hanggang salita lang, — Tayo Pasig Movement
PASIG CITY – Magtatapos na ang dalawang termino ni Mayor Vico Sotto sa non-stop na …
Marian exhibit sa SM Center Pulilan dinagsa ng mga deboto
Sa ilang araw na lang bago ang Kapistahan ng Kapanganakan ng Mahal na Birheng Maria, …
DOST-NCR Pinagsama ang Inobasyon at Tradisyon sa Pamana Agham
Pormal nang binuksan ng Department of Science and Technology – National Capital Region (DOST-NCR), sa …
Hiling bago pumasok ng politika, ipinagkaloob ng Diyos kay Mayora Gem Castillo
ALAM MO NA!ni Nonie Nicasio WALANG imposible kapag ginusto ng Diyos. Ito ang makabuluhang tinuran …
Ara hinihikayat tumakbong konsehal sa Pasig
I-FLEXni Jun Nardo MARAMI raw humuhikayat kay Ara Mina na tumakbo bilang konsehal sa Pasig City. Eh …