Friday , March 29 2024

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod ng Cebu, nitong Biyernes ng hapon, 26 Nobyembre.
Ayon kay Fulbert Navaro, imbestigador ng Cebu City Fire Department, nagsimula ang sunog dakong 5:06 pm sa inuupahang silid ng isang Rolly Siso, 39 anyos.
Pinagtulungang bugbugin ng kanyang mga kapitbahay si Siso, isang dating PDL (person deprived of liberty) sa akusasyong sinadya niyang sunugin ang kaniyang silid.
Dinala si Siso sa pagamutan dahil sa tama ng bala ng baril, mga pasa at mga sugat sa iba’t ibang bahagi ng kanyang katawan.
Hindi pa natutukoy ng pulisya kung sino ang bumaril kay Siso.
Naging kontrobersiyal rin ang insidente nang ipinaratang ni Cebu City South District Rep. Rodrigo Abellanosa na hindi agad nakaresponde ang mga pamatay-sunog dahil ginamit ang mga truck ng bombero sa libing ni Mayor Edgardo Labella.
Nakita ang ilang truck ng bombero na nakahimpil sa gilid ng parada ng libing upang magbigay ng ‘water salute’ para sa namayapang alkalde.
Ani Abellanosa, pinupuna niya ang desisyon ng mga organizer ng libing sa paggamit ng mga fire truck at hindi ang pagpupugay sa yumaong alkalde.
Samantala, pinasinungalingan ni Cebu City Councilor Dave Tumulak na naging dahilan ng pagkaantala ng pagresponde ng mga pamatay-sunog ang pagbibigay ng ‘water salute’ kay Labella sa kanyang libing.
Ayon sa fire department, nasa bisinidad ng sunog ang kanilang mga truck anim na minuto matapos sumiklab ang apoy, at hindi bababa sa 40 fire truck ang nagresponde rito.
Idineklarang kontrolado ang sunog dakong 7:12 pm at tuluyang naapula bandang 7:24 pm.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …