HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HIWALAY na sina Janine Gutierrez at Rayver Cruz. Isang buwan na!
Ito ang kinompirma sa amin ng isang malapit na kaibigan ng pamilya Gutierrez.
Sa paghihiwalay ng dalawa, lumabas ang pangalan ni Paulo Avelino dahil naikuwento nitong minsan silang nag-date ng dalaga ni Lotlot de Leon. Kaya naman si Paulo ang naisip ng mga intrigero na dahilan ng hiwalayan nina Janine at Rayver.
Paglilinaw ng kaibigan, walang 3rd party sa hiwalayan ng dalawa na umusbong ang pagmamahalan noong 2017 bagamat 2019 lamang sila naging bukas sa kanilang relasyon sa publiko.
Sinabi pa ng aming kausap na matagal nang magkaibigan sina Paulo at Janine kaya naman totoong lumalabas na nga ito o nagde-date na noon pa man.
“Pero friendly date lang iyon. Hindi pa magkakilala sina Janine at Rayver lumalabas na sina Janine at Paulo” giit ng kaibigan ng aktres.
Sa zoom virtual conference ng Marry Me, Marry You kinompirma ni Paulo na nag-date nga sila noon ni Janine. “Lumabas na kami dati, hindi lang natuloy,” sambit ng aktor.
Kinompirma rin naman ng aktres na lumabas na nga sila ni Paulo.
