Rabiya kinarir ang pagpunta sa gym at pagbo-boxing

Rated R
ni Rommel Gonzales

MATAPOS ang kanyang unang acting project sa Gabi ng Lagim IX special episode ng Kapuso Mo, Jessica Soho, naghahanda naman si Rabiya Mateo para sa GMA action series na Agimat ng Agila 2.

Lumabas na ang balitang makakasama ng Miss Universe Philippines 2020 sina Sen. Bong Revilla Jr. at Sanya Lopez.

“Nagpapasalamat talaga ako kasi malaki ’yung tiwala na ibinigay sa akin ng team, ng GMA, para ibigay itong role sa akin,” ani Rabiya.

Kabilang sa paghahanda sa kanyang unang GMA series ay ang pagpunta sa gym at boxing.

“Na-e-excite rin po ako na makatrabaho ’yung mga beterano na sa field na ito kasi marami po talaga akong matututunan,” sabi pa ni Rabiya.

Nitong nakaraang Linggo, napanood si Rabiya sa kanyang unang acting stint sa KMJS Halloween special, na ginampanan niya ang isang dalaga na ginagambala ng isang maligno.