Sunshine nagpasalamat sa friendship ni Cherry Pie

MATABIL
ni John Fontanilla

NAKATAGPO ng mga bagong kaibigan si Sunshine Dizon sa kanyang bagong show sa ABS CBN, ang Marry Me, Marry You.

Ani Sunshine, nagging close siya sa mga kasamahan niya sa Marry Me, Marry You dahil naka-lock-in taping sila. Isa na rito si Cherry Pie Picache.

Nag-post nga ang aktres ng kanilang larawan ni Cherry Pie sa kanyang Instagram at may caption na, ”Thank you for your friendship and generosity on and off cam. Napakarami kong natutunan sa buhay sa iyo. Know that i love you and i will be always here for you .

Na sinagot naman ni Cherry Pie ng, ”The feeling is mutual! thank you too! I love you!”

Isa pa labis na ikinasasaya ni Sunshine ngayon bukod sa kanyang bagong show ay ang kanyang dalawang nominasyon sa darating na 34th PMPC Star Awards for Television ang Best Drama Actress para sa Magkaagaw at Best Single Performance By An actress para sa episode nito sa Tadhana.