Tuesday , May 7 2024

QCPD director ‘natameme’ sa pekeng swat? (Reklamo dahil sa karahasan at loose firearms)

091421 Hataw Frontpage

HATAW News Team

INIREKLAMO sa tanggapan ni Philippine National Police (PNP) Chief Guillermo Eleazar ang kawalan ng aksiyon ni Quezon City Police District (QCPD) director, P/BGen. Antonio Yarra sa loob ng mahigit apat na araw na sapilitang pagpasok at pag-okupa ng mga armadong kalalakihang nagpanggap na SWAT sa isang pribadong lote sa New Manila, Quezon City.

Sa panayam kay Atty. Levito Baligod, manugang ng may-ari ng pitong ektaryang lupa na pag-aari ni Marlina Veloso Galenzoga, binigyang diin nito na hanggang sa kasalukuyan ay nagtataka sila sa kawalan ng aksiyon at pag-iwas umano ni Yarra na harapin man lang sila, sa kabila ng kanilang pagsusumikap na makipag-ugnayan dito noong 11 Setyembre 2021.

“Nagtataka po ako sa QCPD, hindi man lang kami hinarap at inaksiyonan, masyadong malamig po ang pakikitungo nila sa amin. Nagtungo ako sa Camp Karingal matapos magpaabot ng pakikipag-ugnayan sa kaniya, subalit narinig ko via handheld radio na ang instruction n’ya ay papuntahin na lang daw kami sa Station 11 sa Galas,” pahayag ni Atty. Baligod.

Batay sa impormasyong nakalap, naunang nagpanggap na mga pulis na may hinahabol na kriminal ang mga nakasuot ng uniporme ng SWAT nang makipag usap sa mga guwardiya ng Black Knight Security Agency. Dahil nakiusap, pinahintulutang makapasok ang dalawa sa mga kalalakihan. Ngunit puwersahang pinasok ng tinatayang 70 kataong pawang mga armado ang pribadong lote.

“Puwersahang kinuha ang mga personal na gamit, wallet, mobile phone, handheld radio, at service firearms ng aming mga nakatalagang guwardiya. Pinagbantaan silang babarilin at ang iba sa kanila ay inapakan pa sa mukha,” dagdag ni Atty. Baligod. 

Dahil dito, inilapit ng mga biktima ang hinaing sa puwersahang pagkubkob sa kanilang lupain ng mga armadong kalalakihan sa tanggapan ni Quezon City Mayor Joy Belmonte na mabilis namang umaksiyon.

Sa inisyal na resulta ng atas ni Belmonte sa Criminal Investigation and Detection Group (CIDG), PNP-Supervisory Office for Security and Investigation Agencies (PNP-SOSIA), at QC Legal Office, nadiskubre na aabot sa 28 ginamit na baril ay loose firearms na posibleng maging batayan para sa warrantless arrest sa ilalim ng Republic Act 8294.

Kasabay nito, nanawagan si Atty. Baligod kay Eleazar na aksiyonan ang pangyayari sapagkat naniniwala silang nagamit ang pulisya sa paggawa ng krimen.

Ayon kay Baligod, “Nakikita natin ang pag-aksiyon ni Chief PNP sa mga reklamo ng sambayanan. Naniniwala kami na tapat ang kaniyang hangarin na magpatupad ng ‘internal cleansing’ sa hanay ng pulisya.

“Hindi ordinaryong krimen ang nangyari, armado, may karahasan at ang importanteng aksiyonan n’ya ay mga pulis ang involve. Pinasok nila ang property namin, naka-uniporme ng SWAT at walang nameplate,” pagtatapos ni Baligod.

About hataw tabloid

Check Also

Subic International Triathlon

Australian, S. Korean nanguna sa Subic International Triathlon tournament

SUBIC BAY, OLONGAPO CITY.– Nakopo  ng Australian na si Luke Bate ang Sprint men elite …

UAE royalties Artwork Lope De Vega basketball court Sta Cruz Maynila

Artwork ng mukha ng UAE royalties, atraksiyon sa Lope De Vega basketball court, Sta. Cruz, Maynila

ISANG kakaibang basketball court artwork na nagpapakita ng mga imahen ng mga lider ng bansang …

Rommel Ong Fred Mison

PH humina nang mawala, base militar ng kano — Ong

HUMINA ang depensa ng Filipinas nang mawala ang base militar ng mga Amerikano sa Subic. …

Taguig

Graffiti at mural festival  
MEETING OF STYLES 2024 MULING INILUNSAD NG TAGUIG CITY LGU

MULING inilunsad ng pamahalaang lungsod ng Taguig ang ikalawang consecutive graffiti mural festival Meeting of …

Bong Revilla Jr Lani Mercado

Sen. Bong Revilla 6 buwan pa bago makatayo – Rep. Lani

IBINUNYAG ni Bacoor Rep. Lani Revilla, anim na buwan pa bago tuluyang makalakad ang kanyang …

Leave a Reply

Your email address will not be published. Required fields are marked *