HATAW! D'yaryo ng Bayan hatawtabloid.com
ALAM MO NA!
ni Nonie Nicasio
BUKOD sa paghahanda sa nalalapit na lock-in taping ng Prima Donnas Book-2, kabilang sa pinagkaka-abalahan ng magandang teen actress na si Angelika Santiago ang mga produktong kanyang ine-endorse.
Si Angelika ang brand ambassador ng Glomar & GHPC General Merchandise. Kabilang sa epektib na produkto nito ang B-ing White Skin Care Whitening Soap, B-ing White Skin Care Foaming Facial Wash, B-ing White Skin Care Face Toner, KERAcream shampoo, Vitamin-C, Parabetic na gamot sa diabetes, Natural Blend 4 in 1 Coffe, Vitamin-C, at iba pa.
Ang lahat ng ito ay available sa Lazada.
Ipinahayag ni Angelika ang kagalakan bilang endorser nito.
Aniya, “Yes po, super-happy po ako na maging endorser ng mga product na ito, bale, ng iba’t ibang products po.”
Dagdag pa ni Angelika, “Iba-iba po ito, pero karamihan po ay sa skin care and hair care products po.”
Nabanggit din niya ang naramdaman nang nalamang magbabalik siya sa kanilang top rating Kapuso serye na tinampukan nina Aiko Melendez, Katrina Halili, Wendell Ramos, Jillian Ward, at iba pa, sa pamamahala ni Direk Gina Alajar.
“Ang naging initial reaction ko po nang nalaman kong part pa rin ako ng Book 2 ng Prima Donnas, sobrang masaya na makakapagtrabaho po ulit and makakasama ko na ulit ang mga co-actors ko po. And at the same time, malungkot din po kasi siyempre, medyo mapapalayo sa pamilya,” lahad ni Jelay (nickname ni Angelika).Ayon pa sa aktres, pansamantala muna siyang tumigil sa pagva-vlog ngayon. “Yes po, tumigil muna po ako sa pagva-vlog… Actually, magre-restart po ako ng content ko, kaya recently po ay hindi po ako nag-a-upload. Kasi, nagwe-wait po muna ako sa Prima Donnas,” nakangiting saad pa ni Angelika.
