Janine ibinuking ni Paulo: umiyak nang ‘di agad nakalipat sa Kapamilya

MA at PA
ni Rommel Placente

SA mediacon ng bagong teleserye ng ABS-CBN na Marry Me, Marry You na pinagbibidahan nina Janine Gutierrez at Paulo Avelino, ibinuking ng huli na matagal nang gustong maging Kapamilya ng una.

Ang pambubuking ni Paulo ay ginawa nang aminin ni Janine na noong lumipat siya sa Dos ay gusto niyang simulan ang kanyang journey dito with Paulo. At natutuwa siya na natupad naman ‘yon.

“Ahh, thank you, thank you,” sabi ni Paulo kay Janine.

Patuloy niya, ”I’ve always wanted to welcome you here. Ahh, quick trivia. Sabihin ko ba? Parang… Janine was supposed to be here maybe a few years back.

“Tapos, nagkaproblema lang with something. Tapos, hayun, nabalitaan ko, we have the same manager (Leo Dominguez,management.

“So, parang… I get the stories first hand. So, my manager called me, iyak daw nang iyak si Janine. Kasi, hindi makakalipat.”

“So, parang… matagal nang ginusto ni Janine na maging Kapamilya! Ha! Ha! Ha! Ha! Ha!”

So, noon pa pala ay talagang bet na ni Janine na maging isang Kapamilya? Eh, ano kaya ang dahilan at noon pa pala ay ayaw niya na sa Kapuso Network kaya ninais niyang mag-ober-da bakod sa ABS-CBN?