Sunday , May 11 2025
Globe fiber to the home DPWH
Globe fiber to the home DPWH

Paglalatag ng Globe ng fiber sa mga tahanan at negosyo, pinabilis ng patakaran ng DPWH

MAS maraming tahanan at negosyo ang natayuan at nalatagan ng fiber o high-speed lines tatlong buwan mula nang ibaba ang kautusan ng Department of Public Works and Highways (DPWH).

Sa ilalim ng naturang DPWH order,  pinapayagan ang mga telco na magtayo ng infrastructure projects sa mga pambansang kalsada na naaayon sa right-of-way.

Ito ay nagpalakas sa pagsisikap ng Globe na makapaglagay ng fiber-to-the-home (FTTH) sa mas maraming tahanan sa mga pangunahing lugar sa bansa.

Mula noong ikatlong linggo ng Marso ng taong ito, nakapaglagay na ng FTTH lines ang Globe sa tulong ng  96 permits mula sa DPWH.

Pinayagan din ang fiberization para suportahan ang mga Mobile Build mula sa 39 permits ng DPWH.

“Ang suporta ng DPWH at ng gobyerno ay talagang malaki ang magagawa para matugunan namin ang demand para sa koneksiyon sa internet sa mga highly-urbanized na lugar sa bansa. Ito ay makatutulong sa amin na mabilis makapaglagay ng mga fiber cables sa maraming mga tahanan na ngayon ay naka-depende sa pagkakaroon ng maaasahan, mabilis, at accessible na internet,” pahayag ni Joel Agustin, Globe Senior Vice President para sa Program Delivery, Network Technical Group.

Ang Department Order No. 29 o ang “Patakaran ng DPWH sa Telecommunications at Internet Infrastructure alinsunod sa Republic Act (RA) Blg. 11494,” ay nagpaluwag sa mga naunang pagbabawal lalo sa paglalagay ng mga poste. 

Pinapayagan na ngayon ang paghuhukay at mga pag-aayos ng mga proyektong pang-impraestruktura ng ICT na nasasakop ng limitasyon sa right of way para sa mga pambansang kalsada at highway.

Sa pag-alis ng naturang pangunahing bottleneck, inaasahan ng Globe na ang inspeksiyon at pag-aproba ng mga site ay makokompleto sa loob ng ilang araw, imbes ilang linggo o buwan gaya sa nakaraang proseso.

“Gagawin nitong mas mabilis para sa kompanya na magdala ng mga high-speed broadband services sa mas maraming mga bahay at negosyo sa pamamagitan ng FTTH. Kaya naman tiwala kami na maaabot namin ang aming target na magkaroon ng isang milyong fiber lines na magagamit ngayong taon,” dagdag ni Agustin.

Ang kautusan ng DPWH ay alinsunod sa Bayanihan  Acts 1 at 2 na nagpapadali sa pagkuha ng mga pahintulot mula sa mga lokal na pamahalaan at mga ahensiya ng gobyerno para sa paglalagay ng mga bagong cell tower.

Inilalaan ng Globe ang malaking bahagi ng P70 bilyong pondo nito sa pagpapatayo ng data network para makapaghatid ng koneksiyong world-class internet sa mga Filipino.

Sinusuportahan ng Globe ang United Nations Sustainable Development Goals (UN SDGs) partikular ang UN SDG No. 9 na nagha-highlight sa mga tungkulin ng impraestruktura at pagbabago bilang kritikal na tagapagsulong ng paglago at pag-unlad ng ekonomiya.

Nakatuon ang Globe na itaguyod ang mga prinsipyo ng UN Global Compact at mag-aambag sa 10 UN SDGs.

Para sa karagdagang impormasyon tungkol sa Globe, bisitahin ang www.globe.com.ph.

About hataw tabloid

Check Also

SM Hypermarket Complete Home 2025

Complete Home 2025: Budols That Bring Joy to Your Home

SM Hypermarket’s Complete Home is Back — where incredible savings and home upgrade inspiration come …

Chavit Singson e-jeep

Chavit Singson pinasinayaan pagbubukas ng e-Jeepney factory sa ‘Pinas

PINANGUNAHAN ni dating Gov. Luis “Chavit” Singson ang pagpapasinaya sa matagal na niyang pangarap, ang …

Joey Salceda Phivolcs

Salceda: Phivolcs Modernization Act, pamumuhunang ligtas buhay, lalo na sa Albay  

Ang Phivolcs (Philippine Institute of Volcanology and Seismology) Modernization Act na nilagdaan kamakailan ni Pangulong …

3-araw Graffiti Mural Arts Festival tagumpay sa Taguig

3-araw ‘Graffiti Mural Arts Festival’ tagumpay sa Taguig

MATAGUMPAY na nairaos ng lungsod ng Taguig ang ikatlong taon ng Meeting of Styles (MOS) …

GameZone 1

GameZone sets Tongits battlefield with GTCC: Summer Showdown

Participant of 2024 Tongits Champions Cup celebrating. GameZone ignites the summer season with the sizzling …

Leave a Reply

Your email address will not be published. Required fields are marked *