Sanya at Rabiya nagkita (Pagsali sa beauty pageant posible)

Rated R
ni Rommel Gonzales

NAKITANG magkakasama nitong July 20 ang Kapuso actresses na sina Sanya Lopez, Gabbi Garcia, Bianca Umali at Miss Universe 2020 Rabiya Mateo sa isang private dinner.

Makikitang masayang nagkukuwentuhan sina Sanya, Gabbi, at Bianca habang kumakain at nagpakuha rin ng litrato ang mga ito kasama si Rabiya.

Nakasuot ng gray na dress si Sanya, all black naman si Gabbi, at naka-immaculate white si Bianca, habang naka-green gown si Rabiya.

Nagpakuha rin ng photos sina Sanya at Rabiya habang hawak-hawak ang bewang ng isa’t isa.

Naging usap-usapan noong Hunyo ang posibleng pagsali ni Sanya sa Miss Universe na si Miss Universe 2015 Pia Wurtzbach na mismo ang nag-alok sa kanya para sanayin kung sakaling gustuhing sumali sa nasabing beauty pageant.

Nagsimula ito nang mag-trending sa social media ang bikini scene ni Sanya sa First Yaya na marami ang humanga sa “jaw-dropping beach body” ng aktres. Dahil sa angking ganda at kaseksihan, hinikayat siya ng kanyang mga tagahanga na sumali sa Miss Universe.

May dapat kaya tayong abangan sa pagkikitang ito nina Sanya at Rabiya?

Samantala, mapapanood si Bianca sa GMA upcoming series na Legal Wives bilang si Farrah, ang pangatlo at pinakabatang asawa ni Ismael na gagampanan ni Kapuso Drama King Dennis Trillo.