HATAW! D'yaryo ng Bayan hatawtabloid.com
SHOWBIG
ni Vir Gonzales
PALAKPAKAN ang mga nakapanood kay Coco Martin dahil sa mga eksenang bakbakan at barilan, mala-Fernando Poe Jr., ang nakikita namin. Iyong asintado kung bumaril.
Isang baril lang ni Cardo Dalisay sa mga kalaban, tumetembuwang na agad. At kahit isang batalyaon ang kalaban nito, wala silang panama sa actor.
Never ngang tinatamaan si Coco kaya masasabing tila may agimat ito..
Pinapagpag lamang niya ang balikat na nadumihan yata ng pulbura at tuloy ang laban.
Matapang si Cardo na pinasok ang kuta ng mga sundalo at wala man lang katama-tama. Kaya naman humahanga sa kanya ang mga manonood.
Pero may mga nakataas din ang kilay dahil sobrang imposible naman daw yatang labanan ‘yon na natakasan pa nina Coco at Michael de Mesa ang nangyaring laban.
