HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ni Nonie Nicasio
KATATAPOS ng GMA-7 TV series na Babawiin Ko Ang Lahat na pinagbidahan ni Pauline Mendoza. Kaya saktong-sakto na marami siyang oras ngayon para tutukan nang husto ang bubuksang business na Beautéderm store sa Pangasinan.
Kuwento niya sa amin, “Sa ngayon po busy muna po ako rito sa business po, which is magtatayo na po ako ng Beautederm store here in Alaminos.”
Esplika ni Pauline, “Iyong store, ngayong June na po ang planong opening. May inaayos pa lang po na ibang kailangan sa store, but hopefully soon malapit na po!
“Ito po ay located sa Celeca Inc., Kalinga Foundation building, 2nd floor Barangay Poblacion, Alaminos City, Pangasinan.”
Matagal na ba niyang plano na magkaroon ng Beautéderm store?
Tugon niya, “Yes tito, matagal na po. And of course, tinulungan po ako ni Mommy Rei na magawa po na magkaroon ako ng sariling store, kaya I’m grateful for Tita Rei.”
Nabanggit din ni Pau (nickname ni Pauline) ang pag-alalay at payo sa kanya ng Beautéderm President and CEO na si Ms. Rhea Anicoche-Tan.
Lahad ng Kapuso actress, “To be honest po, marami po siyang advices sa akin lalo pagdating sa negosyo and paghawak ng sariling money. Kailangan talaga na focus lang kung ano ang gusto mo sa buhay and matuto rin na magtipid and kung saan tamang i-invest ang money.”
Si Pauline ay isa sa Beautéderm ambassadors na may sariling store. Kabilang sa listahang ito sina Ms. Sylvia Sanchez, Ria Atayde, Alma Concepcion, sina Sherilyn Reyes at Ryle Santiago, ang husband and wife tandem nina Rochelle Barrameda and Jimwell Stevens, at iba pa.
