HATAW! D'yaryo ng Bayan hatawtabloid.com
NANATILING sarado sa publiko ang Baseco beach sa Maynila.
Ayon kay P/Lt. Philip Fontecha, Police Community Precinct 13 commander, bawal pang maligo ang mga residente kahit summer na.
Hangga’t wala aniyang utos si Mayor Francisco “Isko Moreno” Domagoso, mananatiling bawal ang paliligo sa Baseco beach.
Gayonman, sinabi ni Fontecha, pinapayagan naman ng kanilang hanay ang mga residente na mag-jogging o walking sa baybaying dagat sa umaga at hapon.
May mga pagkakataon aniya na may mga batang hindi maiwasan na maglublob sa dagat dahil sa mainit na panahon.
May ilang residente umano ang nahuli dahil naligo sa Baseco beach na dinala sa presinto at pinapangaralan.
Hindi aniya kinakasohan at pinapakawalan din.
