Pilot ng OML, may kurot agad

MARAMI ang nagandahan sa pilot episode ng Owe My Love na Ipinalabas nitong Lunes, Pebrero 15. Bida rito sina Lovi Poe at Benjamin Alves.

Bukod sa saya at kilig, may mga matindi rin itong eksena na papatok sa mga manonood. Isa sa mga tumatak sa first episode ay ang madamdaming eksena nina Doc Migs (Benjamin) at Lolo Badong (Leo Martinez). Si Lolo Badong ay may sakit na dementia at hindi na niya nakikilala ang apong si Migs. May kurot sa damdamin noong hinahanap ni Lolo Badong si Migs kahit nasa harap niya ito.

“Maganda ang role ko rito dahil it touches on senior citizens. Ipinakikita rito ang mga problema at concerns ng senior citizens—na kailangang pagtuunan natin ng pansin ang mga senior sa ating bayan. Mayroon po silang mga pangangailangan at concerns,” ani Leo sa virtual media conference ng Owe My Love.

May bago na namang aabangan ang viewers gabi-gabi. Mapapanood ang Owe My Love mula Lunes hanggang Biyernes, 9:35 p.m. sa GMA Telebabad.

COOL JOE!
ni Joe Barrameda