Friday , February 3 2023
gun dead

Traffic enforcer sa Munti itinumba (P.2-M pabuya vs assasin)

MARIING kinondena nina Muntinlupa City Mayor Jaime Fresnedi at Rep. Ruffy Biazon ang walang-awang pagpatay sa isang traffic enforcer na binaril sa ulo ng isang hindi kilalang suspek na naganap kamakalawa ng gabi sa naturang lungsod.

Dead on-the spot dahil sa isang tama ng bala sa likod  ang biktimang si Daniel “Utoy” Manalo, 39 anyos, supervisor at miyembro ng Muntinlupa Traffic Management Bureau (MTMB), ng lokal na pamahalaan ng Muntinlu­pa.

Kaugnay sa patraydor na pagpaslang kay Manalo, nag-alok si Fresnedi ng P100,000 pabuya sa publiko sa sinumang makapag­bibigay ng impormasyon sa pagkakakilanlan at ikadarakip ng suspek para sa ikalulutas ng krimen.

Gayon din si Biazon na nag-alok din ng P100,000 pabuya at nanawagan sa publiko na tumulong sa pagbibigay ng impormasyon sa awtoridad sa ikadarakip ng suspek.

Sa imbestigasyon ng pulisya, naka-duty noon si Manalo nang mangyari ang insidente dakong 7:10 pm, sa kahabaan ng National Road, Brgy. Tunasan, Muntinlupa.

Nabatid na si Manalo at kasamang traffic enforcer na si Saimon Pagulayan, 29 anyos, ay nagsagawa ng anti-tricyle operation sa highway nang maisipang pumasok sa isang tindahan.

Ayon kay Pagulayan, may tumawag sa cellphone ni Manalo kaya’t lumabas sila at habang may kausap biglang lumapit ang isang lalaki na armado ng baril saka pinaputukan ang biktima sa ulo.

Mabilis na naglakad patakas ang gunman matapos isagawa ang krimen.

Inilarawan naman ni Tez Valencia, hepe ng Public Information Office (PIO) ng Muntinlupa, na si Manalo ay mabuting tao, maayos na tumutu­pad sa kanyang tung­kulin, at magalang. (MANNY ALCALA/JAJA GARCIA)

About Manny Alcala

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply