Flex, bagong gag-variety show na aabangan

MAS magiging exciting ang weekend nights simula 2021 dahil may bagong barkadang aabangan ang Gen Zs sa GMA News TV.

Makisaya sa newest weekend comedy-gag-variety show na FLEX na ibibida ang galing at talento ng Kapuso teen stars na pangungunahan ng Flex Leaders na sina Mavy Legaspi, Lexi Gonzales, JD Domagoso, at Althea Ablan.

Every week, may walong Gen Z artists na ipamamalas ang kanilang husay sa pamamagitan ng musical performances, gags, sketches, at talent competitions.

Ito na rin ang chance para sa fans ng Kapuso teen stars na maka-interact ang kanilang idolo sa isang interactive game segment na makakalaro nila ang Flex Leaders at ilang celebrity guests.

Bukod pa riyan, abangan din ang launch ng official fan base ng Flex na  Flex Squad na eksklusibong mapapanood ng mga miyembro ang videos mula sa kanilang paboritong celebrities, makisaya nang live sa studio, at marami pang iba.

Rated R
ni Rommel Gonzales