Rider sinita sa lisensiya kalaboso sa shabu

KALABOSO ang 27-anyos motorcycle rider nang hanapan ng driver’s license pero naging aligaga sa pagkilos kaya kinapkapan ng mga tauhan ng Station-9 ng Taguig City Police  at nabuko ang 25 gramo ng shabu na nagkakahalaga ng P170,000, sa Bicutan, Taguig City, iniulat kahapon.

Kinilala ang suspek na si Tonton Mama, ng Building 6, Room 307, Condo, Maharlika Village, Taguig City.

Nagsagawa ng Oplan Sita sa kanto ng MLQ at Mulawin streets, New Lower Bicutan, Taguig City dakong 8:50 pm nitong, 11 Disyembre.

Pinara ng mga awtoridad ang suspek pero walang mai­pakitang driver’s license hanggang mapansin ang pagkailang sa mga pulis kaya naisipang kapkapan hanggang sa nabuko ang ilegal na droga.

Nahaharap sa reklamong paglapag sa Republic Act 9165 (Comprehensive Dangerous Drugs Act of 2002) ang suspek sa Taguig prosecutor’s Office. (JAJA GARCIA)