Monday , May 12 2025
Bulabugin ni Jerry Yap
Bulabugin ni Jerry Yap

‘Satisfied’ si Digong kay Cayetano (Bilang Speaker of the House)

KONTENTO si Pangulong Rodrigo Duterte sa pagganap ni Speaker Alan Cayetano sa kanyang mga tungkulin bilang pinuno ng Mababang Kapulungan.

‘Yan mismo ang sabi ni Presidential spokesperson Harry Roque.

At kung pagbabasehan ang satisfaction na ito ng Pangulo, tila hindi napapanahon ang pagpapalit ng liderato sa Kongreso lalo kung mapupunta lang sa mga bagito at walang sapat na karanasan at track record.

Sa kanyang interview sa online outlet na Mindavote, sinabi rin ni Secretary Roque : “Ang katotohanan po, and I speak for the President, wala pong frustrations si Presidente kay Speaker Cayetano. In fact, sinabi rin po niya na ‘Talagang close ako kay Alan.’”

Ayon kay Roque, masaya ang Pangulo dahil sa ilalim ng pamumuno ni Cayetano ay mabilis na naipasa ang pambansang budget para sa taon 2020.

Mabilis din aniya ang aksiyon ni Cayetano sa pagpasa sa mga batas tulad ng Bayanihan 1 at Bayanihan 2 na kinakailangan para labanan ang CoVid-19.

Maging ang mga revenue-generating at tax reform bills na prayoridad ng Pangulo ay mabilis na naaksiyonan ng Mababang Kapulungan, dagdag ni Roque.

“Kung ikaw ay Presidente at natikman mo na kung paano nangyari ‘yung isang taon na iba ang Speaker at hindi naipasa ang budget, at nagkaroon tayo ng reenacted budget na naging dahilan kung bakit humina ang paglaki ng ekonomiya, siyempre mabibigyan mo ng importansiya ‘yung nakade-deliver sa pangangailangan ng administrasyon,” wika niya.

Nang tanungin tungkol sa opinyon ng Palasyo kay Marinduque Rep. Lord Allan Velasco na ka-term-sharing ni Cayetano, sinabi ni Roque na maaaring magkaroon ng problema si Velasco dahil sa kakulangan ng karanasan at hindi sapat na track record, lalo na’t kinakailangan ito upang makagawa ng pagkakasunduan sa mga miyembro ng Kongreso.

Arayku!

Malaking hambalos ito kay Velasco. Paano naman kasi busog sa track-record si Cayetano dahil nag-umpisa sa serbisyo publiko sa LGU, kamara, senado, at naging miyembro pa ng gabinete ni Digong.

Ang masaklap nito, ibinunyag ni Roque na tila hindi rin gaanong kilala ng Pangulo si Velasco, lalo na noong nag-uumpisa pa lamang ang termino nito.

“Kung wala kang ganyang experience paano ka makabubuo ng consensus? Mahihirapan ‘yan,” sabi ni Roque.

Tsk tsk tsk… mukhang mahihirapan talaga.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Aksyon Agad Almar Danguilan

Jeepney i-modernize nang makatao at may puso

AKSYON AGADni Almar Danguilan HINDI matatawaran ang halaga ng jeepney sa ating kasaysayan. Simbolo ito …

Aksyon Agad Almar Danguilan

Benhur Abalos: Lumalakas sa survey, may malinaw na plataporma

AKSYON AGADni Almar Danguilan SA PINAKAHULING Social Weather Stations survey, si dating Department of the …

Aksyon Agad Almar Danguilan

Mapayapa at maaayos na NLE25, puntirya ni QCPD OIC Col. Silvio

SA LUNES NA, Mayo 12, 2025, daragsa sa mga polling precinct amg milyon-milyong botante upang …

Aksyon Agad Almar Danguilan

Endoso ni VP Sara kina Imee at Camille, wa epek

AKSYON AGADni Almar Danguilan HINDI rin umepekto ang pag-endoso ni Vice President Sara Duterte kina …

Firing Line Robert Roque

Ano na ngayon ang tingin ng mga botante kay Pulong?

FIRING LINEni Robert B. Roque, Jr. SINABI ni Congressman Pulong Duterte na ipapa-“authenticate” niya sa …

Leave a Reply

Your email address will not be published. Required fields are marked *