Nadine Lustre, mabenta sa international brands

BONGGA si Nadine Lustre dahil isa ito sa kauna-unahang Pinay na naging Ambassador ng H&M Swim Essentials kasama ang isa pang mahusay na aktres na si Maja Salvador.

Bago ito’y naging ambassador muna siya ng Forever 21 Swimwear Collections.

Kitang-kita ang naglalakihang litrato nina Nadine at Maja na naka- swimsuit sa mga boutique ng H&M at mapapanood naman ang kanilang video suot ang iba’t ibang swim wear nito.

Mabentang-mabenta nga ang brown skin at magandang kurba ng katawan ni Nadine sa mga international brand, dahil bukod dito ay kinuha rin siya ng isang sikat na make-up brand na may collaboration siya sa mga make-up collections na inilabas dito sa Pilipinas at sa ibang bansa  na pinangalanang  Lustrous Collections.

MATABIL
ni John Fontanilla