HATAW! D'yaryo ng Bayan hatawtabloid.com
NABUKO ang tangkang pagdadala ng isang lalaking supplier ng shabu sa Pampanga na kinuha pa sa kanyang ‘source’ kahapon ng madaling araw sa lungsod ng Taguig.
Kinilala ni National Capital Region Police Office (NCRPO) director, P/Maj. Gen. Debold Sinas, ang inarestong suspek na si Gilberto Lagunzad, 29 anyos, walang trabaho, tubong Tacloban, Leyte kasalukuyang naninirahan sa Adian 2 Extension, Barangay Balibago, Angeles City Pampanga.
Tinatayang 600 gramo ng shabu ang nakompiska kay Lagunzad na tinatayang may P4,080,000 street value.
Base sa ulat ng Police Community Precinct (PCP-2), habang nagsasagwa ng checkpoint ang anti-criminality operation sa panulukan ng at A. Bonifacio Avenue, Barangay Upper Bicutan, Taguig City, nabuko ang dalang shabu ng suspek, dakong 3:00 am, kahapon.
Nasamsam sa suspek nina Patrolman George Stephen Datoy at P/Cpl. Emmanuel John Vicente, ng PCP-2, ang isang packaging tea wrapper; at isang itim na ecobag na pinaglagyan ng tinatayang 600 gramo ng shabu na nakalagay sa 12 heat-sealed transparent plastic sachets, may street value na P4,080,000.
Nahaharap sa paglabag sa Section 11 ng Republic Act 9165 (Comprehensive Dangerous Drugs Act of 2002).
“This is the very reason why the local police were not deployed to the boarders of Metro Manila but rather, they were retained within their areas of responsiblity, to continue their anti-criminality and anti-illegal drug operations. It is indeed disappointing that despite of the danger caused by COVID 19, there are still some people who are taking advantage of the situation to do their illegal activities. Nevertheless, police force is ready to serve and protect our community 24/7 from all forms of criminality and prevention of drug proliferation,” ani Sinas.
(JAJA GARCIA)
