HATAW! D'yaryo ng Bayan hatawtabloid.com
ANUMAN ang intrigang ipukol kay Coco Martin, hindi pa rin siya matitinag! Patunay dito ang patuloy na pamamayagpag ng kanyang action-seryeng FPJ’s Ang Probinsyano.
Pinanabikan naman ang pagbabalik ni Julia Montes kaya talagang inabangan ang kanyang pagbabalik.
At mas maraming Filipino pa rin ang tumutok sa ABS-CBN!
Sa datos ng Kantar Media para sa buong buwan ng Pebrero, nakapagrehistro ng average audience share na 39%, o anim na puntos na lamang sa 33% ng GMA.
At kung pagbabasehan naman ang mga palabas, naghahari pa rin ang FPJ’s Ang Probinsyano bilang pinakapinanonod na programa sa buong bansa na mayroong 34%.
Mainit din ang pagsalubong ng mga manonood sa pagbabalik-telebisyon ni Julia matapos magrehistro ang 24/7 ng 27%.
Ang TV Patrol pa rin ang nananatiling pinakapinanonod na newscast sa bansa na mayroong 26.5% ratings, habang tinutukan din ang matinding bakbakan ng contestants at coaches ng The Voice Teens na mayroong 26.4% na nagbukas ng bagong season noong Pebrero.
Patuloy namang kinakikiligan ang kuwento nina Billy (Liza Soberano) at Gabo (Enrique Gil) sa Make It With You na mayroong 25.9% ratings. Buong buwan ding kinaantigan ang mga kuwentong hatid ng MMK (24.9%) at ang pagpapakita ng talento ng mga kalahok sa Your Moment (23.9%).
Kinakatawan ng Kantar Media ang 100% ng mga manonood ng telebisyon sa buong bansa sa paggamit nito ng nationwide panel size na 2,610 na urban at rural homes.
SHOWBIZ KONEK
ni Maricris Valdez Nicasio
