HATAW! D'yaryo ng Bayan hatawtabloid.com
MASAYANG-MASAYA ang world champ na si Ianna Dela Torre dahil finally ay inilabas na ang kanyang debut album sa ilalim ng Star Music, matapos siyang pumirma ng kontrata sa music label noong isang taon.
Naging matunog ang pangalan ni Ianna nang sumali sa World Championship of Performing Arts (WCOPA) noong 2013, na nanalo siya bilang Junior Grand Champion performer at Champion Vocalist of the World.
Ang debut album niyang IANNA ay ipinrodyus ni Joel Mendoza sa pakikipagtulungan sa ilan sa mga pinakamahuhusay na composer at producer sa industriya. Masusi ring pinili ang mga kantang napabilang sa album para maikuwento ang istorya ng isang dalaga na naging isa nang ganap na babae.
Bida sa album ang pinakabagong single niyang Wala Kang Kapalit, isang modern classic ballad tungkol sa walang hanggang pag-ibig at ang pagsisisi dahil sa pagtatapos nito.
Tampok sa album ang carrier single na Pinapa, pati na ang iba pang mga orihinal na kanta gaya ng Always You, Love is Spelled Y-O-U, Kahit sa Panaginip Lang, Alam Kong Nandyan Ka, at Ang Sabi Mo. Mapakikinggan din ang revival ni Ianna na komposisyon ni Maestro Ryan Cayabyab, ang Kailan, Together Forever ni Rico J. Puno, at cover ng Through The Fire ni David Foster.
Isa lang si Ianna sa mga mang-aawit ng ABS-CBN Music, na tahanan ng ilan sa mga pinakamagagandang OPM music mula sa nangungunang media at entertainment company na ABS-CBN.
Pakinggan ang debut album ni Ianna sa iba’t ibang digital streaming platforms, at panoorin ang music video ng Wala Kang Kapalit tampok sina Karina Bautista at Aljon Mendoza, PBB alumni sa YouTube channel ng Star Music.
Bukod kay Ianna, excited din sina Karina at Aljon sa kanilang music video. Katunayan nag-post pa si Karina sa kanyang Twitter account. Aniya, KarinaBautista @MissKareee,“
Thank you for my first music video @StarMusicPH @MYXphilippines @OneMusicPH omyyy “
Ang dalawa bilang KarJon ay kasalukuyang napapanood sa afternoon drama na Sandugo. Magiging parte rin sila ng romance-comedy movie na ‘Di Tayo Bagay tampok sina Erich Gonzales at Arjo Atayde.
SHOWBIZ KONEK
ni Maricris Valdez Nicasio
