Papalit sa GGV, kasado na

KINOMPIRMA sa amin ng staff ng bagong unit na hahawak sa bagong programang papalit sa Gandang Gabi Vice o GGV pagkalipas ng siyam na taon.

Nasulat sa PEP na hanggang katapusan na lang ng Pebrero ang programa ni Vice Ganda at papalitan ito ng Everybody Sing na ang TV host pa rin ang host.

“Wala pang official announcement pero oo kasi pini-preprod na ‘tong ‘Everybody Sing,’” say sa amin.

At kaya bagong unit ang hahawak sa bagong programa ni Vice ay para maiba naman ang mga idea lalo’t pawang mga bagets pa ang mga staff.

“Para fresh ideas lahat kita mo ang ‘It’s Showtime’ ilang beses ding nagpalit ng unit. Nanonood ka ba? Kakaiba na ang ibang segment. 

“Kasi kung magtatayo ka ng bagong show, dapat bago rin lahat ang staff para bago ang inputs hindi ‘yug dati na siyempre walang gaanong babaguhin kasi nakasanayan na,” paliwang ng kausap naming hahawak sa Everybody Sing.

FACT SHEET
ni Reggee Bonoan