HATAW! D'yaryo ng Bayan hatawtabloid.com
MAGSASAMA-SAMA sina Ella May Saison, Luke Mejares, Nina, Juris, at Ito Rapadas ng Neocolours sa kauna-unahang pagkakataon sa ikatlo at pinaka-pabolosong installment ng pinag-uusapan at inaabangang #LoveThrowbackValentine concert franchise na mangyayari sa Pebrero 15 (Sabado, 8:30 p.m.) sa PICC Plenary Hall.
Sa direksiyon at konsepto ni Calvin Neria, ang inihahain ng kamangha-manghang musical spectacle na ito ang pinaka-romantikong Pinoy love songs na nagbigay kahulugan sa mga love stories ng ilang henerasyon ng ‘di mabilang na mga Filipino. Dadalhin ng #LoveThrowback3 ang mga manonood sa isang roller coaster musical journey na magpapaalala sa kanila ng sakit, ligaya, kabiguan, pagkawagi, pait, at tamis ng pag-ibig.
Kasama si Marc Lopez bilang musical director, ang mga loyal fan at music aficionados ay maaaring maghanda sa isang ‘di malilimutang gabi ng musika habang aawitin ng live ng stellar cast ng show ang kanilang greatest hits gaya na lamang ng soulful classics ni Ella May na Till My Heartache Ends at If The Feeling Is Gone; ang ‘di mapapantayang bersiyon ni Luke ng Kahit Kailan at Love Of My Life; ang stirring rendition ni Nina ng Someday at Jelous; ang heart wrenching hits ni Juris na Di Lang Ikaw at A Love To Last A Lifetime; at ang anthemic masterpieces ni Ito na Tuloy Pa Rin at Maybe, at marami pang iconic love songs na lahat ay bahagi ng soundtrack ng love life ng bawat Pinoy.
Bahagi ng proceeds ng concert ay ibibigay sa GASFI (Gig and the Amazing Sampaguita Foundation, Inc.) – isang non-stock at non-profit na organisasyon na ipino-promote ang Twenty Minutes at Bedtime, Read With Your Child sa pagpapalakas ng family ties upang mapag-ibayo ang magmamahal ng isang bata sa pag-aaral.
Nagsimula ang GASFI bilang isang book donor program na naghihikayat sa bedtime reading. Mahalaga ang papel ng organisasyon at ang mga volunteer nito kung bakit may mga libro para sa mga kabataan sa mga komunidad na walang access sa mga libro. Maliban dito, importante rin para sa GASFI ang edukasyon at makikita ito sa scholarship program na may siyam silang iskolar sa kolehiyo.
Para sa karagdagang impormasyon at mga kapana-panabik na updates ukol sa #LoveThrowback3, i-like ang LoveThrowback3 sa Facebook. Para sa tikets, kontakin ang TicketWorld sa 891-9999o bisitahin ang www.ticketworld.com.ph.
