HATAW! D'yaryo ng Bayan hatawtabloid.com
Number one segment ngayon sa Eat Bulaga ang Bawal Judgemental na bukod sa very entertaining ay araw-araw na kapupulutan ng aral ang mga topic o iba’t ibang kuwento ng totoong buhay.
At kahit sobrang selan ng issue sa mga grupong kalahok rito ay naitatawid nang maayos ng Eat Bulaga at mga host ng segment na sina Bossing Vic Sotto at Joey de Leon kasama ang JOWAPAO (Jose, Wally at Paolo), Pauleen Luna, Allan K, Ruby Rodriguez, Maine Mendoza atbp.
Last Saturday, muling pinaluha ng mga nag-out ng kanilang gender sa Bawal Judgemental ang mga studio audience at televiewers, maging sina Bossing at iba pang host ay hindi napigilang mapaiyak sa kuwento ng mga naglantad ng kanilang tunay na pagkatao na ngayon lang nalaman ng kani-kanilang pamilya. Humingi sila ng tawad sa kanilang pag-a-out.
Marami naman ang naaliw sa guest celebrity no’ng araw na iyon na si Melanie Marquez na buong ningning na sinabi sa national TV na anak niya sa pagkakasala si Manuelito Lapid na anak niya kay Senator Lito Lapid na kasama niya sa APT Studio.
Congratulations sa bumubuo ng Bawal Judgemental na laging wagi sa ratings!
VONGGANG CHIKA!
ni Peter Ledesma
