HATAW! D'yaryo ng Bayan hatawtabloid.com
Dahil sa sunod-sunod na events at ilang days na shoot ng first Music Video ng promising recording artist/dancer/model na si Migz Coloma ay nagkasakit siya at na-confine nang halos one week sa The Medical City. At dahil sa prayers, ng kanyang family and supporters ay mabilis na gumaling si Migz, and back at home na siya.
Labis-labis ang pasasalamat ni Ma’am Juvy (mother ni Migz) sa lahat ng mga dumalaw sa ospital at nagdasal para sa recovery ng minamahal na panganay.
Feeling ng love naming si Ma’am Juvy ay sa hospital sila magpa-Pasko pero mabait si Lord sa kanyang pamilya kaya makakapiling nila si Migz, ang daddy, at kapatid nito sa kanilang Noche Buena at celebration ng Christmas.
Pinayohan daw pala si Migz ng kanyang doctor na magpahinga muna at huwag tumanggap ng anumang commitment. At sinusunod naman ito ng singer, dahil naniniwala siya sa kasabihang “health is wealth.”
Marami pa siyang pangarap for his singing and modelling career at sa acting kung mabibigyan ng pagkakataon. Kapansin-pansin pala na lalong naging guwapo si Migz sa kanyang bagong hairstyle.
Sa kanyang look ay lalo siyang nagiging kaibig-ibig.
Samantala, dahil sa pagkakasakit ng binata ay na-postponed ang kanyang supposedly first mall show para sa promo ng kanyang CD Lite album sa SM City Masinag. Humihingi si Migz ng paumanhin sa kanyang fans and supporters, at babawi daw siya sa kanila next year.
VONGGANG CHIKA!
ni Peter Ledesma
