Thursday , April 24 2025

Tukuyin

MAGANDA ang hanga­rin ni Senator Risa Hontiveros sa panawagan sa Department of Health (DOH) na pangalanan ang pharmaceutical firms na humaharang umano na mapababa ang presyo ng mga medisina, lalo ang 120 gamot para sa pang­karaniwang sakit tulad ng hypertension, diabetes, sakit sa puso, kanser, asthma at iba pa.

Sa talakayan ng DOH 2020 budget ay nagpahayag si Hontiveros na malakas umanong iniimpluwensiyahan at kinokontra ng ilang kompanya ng parmasya ang mungkahing gamitin ng gobyerno ang kapangyarihan nito sa ilalim ng Cheaper Medicines Act (RA 9502) na mapababa ang hindi parehas na presyo ng medisina.

Isang asosasyon ng mga kompanyang parmasya ang tumanggi sa mungkahi na mapababa ang presyo ng 120 medisina dahil hindi ito magiging produktibo.

Kung totoo raw ang mga ulat, ang mga kom­panyang ito ay dapat pangalanan at matanong kung bakit nila kinokontra ang mga inisyatiba para mapababa ang presyo ng medisina. Dapat din umano itong mapagpaliwanag kung bakit mas mahal ang kanilang mga gamot sa international reference prices (IRP).

Tinukoy ni Hontiveros na mas inuuna pa ng naturang mga kompanya ang malalaki nilang tinutubo at kinikita kaysa buhay at kalusugan ng mamamayan.

Sa panahon nga naman na kabi-kabila ang mga nagkakasakit sa kapaligiran, mas makabubuti kung abot-kamay ng publiko ang presyo ng mga gamot.

Nais paalalahanan ni Hontiveros ang mga kompanya ng parmasya na bagaman nauunawan niya ang hangarin nilang mapagbuti ang sistema ng healthcare sa bansa, ang saksakan nang taas na presyo ng mga gamot sa pribado at pampu­blikong sektor ang nagpapahina sa epektibong pagbibigay ng serbisyong pangkalusugan na ikinapipinsala ng mahihirap.

Ipinaliwanag niya na 41 porsiyento gastos sa kalusugan ng mga Filipino ay nauuwi sa pambili nila ng mga gamot. Sa ibang mga bansa na malakas ang kita ay 19.7 ang gastos samantala sa mga bansa na mababa ang kinikita ay 30.4 porsiyento ang gastos.

Akalain ninyong ibinebenta ang mga medisina nang halos apat na beses sa IRP nito samantala ang mga branded na gamot ay naibebenta nang halos 22 beses na mas mataas, lalo sa mga pribadong ospital at parmasya.

Sa ilalim ng maximum retail price scheme, ang presyo ng mga piling gamot ay mababawasan ng 56 porsiyento mula sa kasulukuyang presyo nito sa merkado sa oras na pinirmahan ni President Duterte ang executive order ukol dito.

Kaya ngayon pa lang ay dapat malaman kung sino-sinong kompanya ng gamot ang humaharang sa Cheaper Medicines Act para ma-boycott o hindi tangkilikin ang kanilang produkto.

Huwag ipagkait sa mga Filipino, lalo sa mahihirap, ang karapatan nilang mabuhay at makabili ng murang gamot.

***

SHORT BURSTS. Para sa mga komento o reaksiyon, mag-email sa firingline@ymail.com o mag-tweet sa @Side_View.

FIRING LINE
ni Robert Roque, Jr.

About Robert B. Roque, Jr.

Check Also

Firing Line Robert Roque

Tara, PNP, pustahan tayo!

FIRING LINEni Robert B. Roque, Jr. MAHIRAP paniwalaan ang patuloy na paninindigan ng Philippine National …

Aksyon Agad Almar Danguilan

Hustisya sa kuwaresma hatid ng PNP sa pamilya Que-Pabilio

AKSYON AGADni Almar Danguilan TUWING kuwaresma ang lahat ay nagpapahinga, nagbabaksyon, nagninilay, etc…dahil walang pasok …

Sipat Mat Vicencio

Masisikmura ba ng DDS na iboto si Imee?

SIPATni Mat Vicencio SA KABILA ng pambobola ni Senator Imee Marcos sa pamilyang Duterte, magagawa …

Aksyon Agad Almar Danguilan

Desperado na si Camille Villar at ang paglaglag ni Sara sa PDP-Laban senatorial slate

AKSYON AGADni Almar Danguilan DAHIL sa ginawang pag-endoso ni Vice President Sara kina Senator Imee …

Sipat Mat Vicencio

Si Grace, si Brian at ang FPJ Panday Bayanihan Partylist

SIPATni Mat Vicencio TANGAN ngayon ni Brian Poe ang ‘sulo’ ng pakikibaka na inumpisahan ni …

Leave a Reply

Your email address will not be published. Required fields are marked *