HINDI na nagising ang isang 38-anyos babae makaraang barilin nang hindi nakilalang gunman habang nasa mahimbing na pagtulog sa tinutuluyang unit sa Baseco Compound, Port Area, Maynila, kamakalawa ng gabi.
Ayon sa ulat na nakarating kay Manila Police District(MPD) Director P/BGen. Bernabe Balba, kinilala ang biktimang si Maela Prisno, may live-in partnr, taga-314 Blk.15-A Baseco Compound.
Sa imbestigasyon ni P/Capt. Henry Navarro, hepe ng MPD Homicide Section, naganap ang pamamaril dakong 11:20 pm nang pasukin ang biktima sa loob ng kanyang tinutuluyang unit saikalawang palapag.
Nakatakas ang gunman, bitbit ang hindi pa batid na kalibre ng baril.
Inaalam ng pulisya ang motibo ng pamamaslang kung may kinalaman sa operasyon ng ilegal na droga ang pagpaslang sa biktima.
Nakalagak sa Cruz Funeral para sa awtopsiya ang bangkay ng napaslang na biktima.
(BRIAN BILASANO)
