Charo Laude, susungkitin ang titulo at korona ng Mrs Universe 2019

HANDANG-HANDA na ang pambato ng Pilipinas na si dating That’s Entertainment member Charo Laude sa  nalalapit na Mrs Universe na gaganapin sa December 22 to January 1 sa China.

Ayon kay Charo, “Gagawin ko ang lahat para makapagbigay karangalan sa bansang Pilipinas, pipilitin kong sungkitin ang korona ng Mrs Universe 2019.

“As early as now sobra-sobrang paghahanda na ang ginagawa ko, mula sa mga damit na gagamitin from National Costume to Long Gown hangang sa pang-araw- araw na isusuot ko roon.

“Pati question and answer, lakad ko pinag-aaralan ko rin para pagdating ko roon handang-handa na ako.”

At dahil aabutin ng Kapaskuhan  at Bagong Taon ang Mrs Universe 2019 ay isasama na ni Charo ang kanyang pamilya at doon na sila magseselebra ng Christmas at New Year.

Hiling nga nito sa sambayang Filipino na suportahan siya sa kanyang laban sa Mrs Universe 2019 at ipinapangako niya na gagawin ang lahat para makuha ang korona at titulong Mrs Universe 2019.

MATABIL
ni John Fontanilla