HATAW! D'yaryo ng Bayan hatawtabloid.com
PINURI ng komedyanteng si Dyosa Pockoh ang dalawa sa pangunahing bida ng One of the Baes na sina Ken Chan at Rita Daniela na mapapanood na ngayong Lunes sa GMA-7.
“Ang masasabi ko po kina Rita at Ken ay napakababait na artista nilang dalawa, napaka-humble at dedicated sa trabaho. Sobrang sipag nila, walang reklamo kahit maaga na natatapos ang shoot,” pahayag ng komedyanang taga-Batangas.
Dagdag ni Dyosa, “Ang role ko po rito ay secretary ni Melanie Marquez as Alona Aragoza, may-ari ng maritime school.”
Paano niya ide-describe ang One of the Baes? “Hindi po dahil kasama ako roon, pero super-ganda po talaga ng series na iyon. Bukod sa love team ng RitKen, e kaabang-abang din dito ang pagbabalik ni Roderick Paulate at ang awayan nina Amy Austria at Melanie Marquez, na talagang sobrang nakatatawa po.”
First time ba niyang magka-show sa GMA-7? “Hindi po siya first guesting ko, kasi marami na akong show na napag-guestan sa GMA-7. Pero ang One of the Baes ang unang serye na ginawa ko, na akala ko nga po noong una ay extra lang ako. Pero mahaba pala ang role ko, kaya super-saya ko po.”
Pahabol ni Dyosa, “Ang makasama sa ganitong project ay sobrang saya. Napaka-blessed ko dahil napili ako, excited ako at ‘di makatulog noong first day shooting ko. Kaya super thankful ako sa GMA-7 at sa One of the Baes.”
Bukod sa One of the Bae, si Dyosa ay mapapanood din sa pelikulang Two Love You nina Yen Santos, Lassy Marquez, at Kid Yambao, showing na ito sa Nov. 13.
ALAM MO NA!
ni Nonie Nicasio
