Sunday , May 19 2024

Ken Chan, ipakikita ang buhay ng mga marino sa One of the Baes

AMINADO ang Kapuso actor na si Ken Chan na hindi niya inaasahan na magiging patok ang love team nila ni Rita Daniela. Sa panayam namin kay Ken sa opening ng Beautederm flagship store sa Marquee Mall, ipinahayag niya ang kagalakan sa ibinibigay na suporta sa love team nila ni Rita Daniela.

Pahayag ni Ken, “Lagi po naming sagot ni Rita, hindi po namin inaakala talaga. Ang tawag nga po namin sa mga fans namin, unexpected supporters. Dahil talagang unexpected po talaga ‘yung nangyari sa amin, hindi naman po talaga namin alam na magiging ganito ‘yung pagtanggap sa amin ng tao.

“Kaya sobrang sarap sa pakiramdam na hindi naman po plano, pero plano ni God. Iyon ‘yung masarap sa pakiramdam, ‘yung ibinigay sa iyo ni Lord, ‘yung hindi mo inaasahan.”

Inanyayahan din niya ang publiko na panoorin ang bago niyang show sa GMA-7. ”Iyong One of The baes, ngayong Monday na po ang start niyan, sana po ay panoorin po ninyo. Kasama po namin dito sina Ms. Rita Daniela, Roderick Paulate, Amy Austria, Jestoni Alarcon, Tonton Gutierrez, Melanie Marquez, Maureen Larrazabal, Joyce Ching, Boboy Villar, Archie Alemania, at marami pa pong iba.”

Ano ang aabangan sa kanila rito, sa love team nila ni Rita? “Ibang-iba kami rito ni Rita, kung sa My Special Tatay kami sina Boyet at Aubrey, iba naman dito kasi, actually, pinagpapayat kami ng network, talagang kinausap kami. Mahirap magpapayat e, kapag lunch or dinner na namin sa set, hindi kami binibigyan ng kanin,” nakatawang saad ni Ken.

Pagpapatuloy niya, “So, talagang kailangan naming pumayat at maging fit, kasi rito sa One of The Baes, mga Marine students kami. Iyong training namin dito, kailangan fit kami. Ako rito, sumisisid sa dagat, si Rita, iyong talagang totoong training ng marino, ginagawa namin. So, para talagang maging makatotohanan, ginagawa po namin iyon. May mga nagtuturo sa amin na totoong officers, kasama namin sa mga eksena iyong mga totoong marine students. Nag-undergo po kami ng training sa Bataan, sa Maritime Academy of the Philippines.

“May mga babaeng seafarers na po ngayon, ipakikita po namin dito iyong buhay ng mga marino, buhay ng mga seaman, at saka ‘yung buhay din ng vloggers, ipakikita namin dito,” sambit ng aktor.

Nagbigay din siya ng mensahe sa mga boss ng BeauteDerm. “Mommy Rei thank you so much sa suporta mo sa amin, basta kami ay laging nandito for you, salamat sa iyo, para ka na tala­gang tunay naming nanay. And congratulations sa iyo, kay Papa Sam at sa buong Beautederm family, talaga namang napaka-ingay ng Beautederm at iyon ay dahil sa iyo, we love you and God bless you.”

Maraming ambassadors may sariling store na, siya ba wish na magkaroon din ng sarili niya? “Ay, oo siyempre, wish na wish ko po iyan, kung papalarin po akong magkaroon ng BeauteDerm store, siyempre ay gusto ko po. Kasi po ay sobrang naniniwala ako sa produkto ng BeauteDerm, kahit iyong mga tita ko sa bahay, talagang gumagamit po sila nito. So, balang araw, malay po natin.”

ALAM MO NA!
ni Nonie Nicasio

 

 

About Nonie Nicasio

Check Also

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …

Lolit Solis

Bonggang birthday celeb ni Manay Lolit pinaghahandaan ng mga alaga

I-FLEXni Jun Nardo BONGGANG birthday celebration next week ang pinaghahandaan ng talents ni Manay Lolit Solis. …

Leave a Reply

Your email address will not be published. Required fields are marked *