HATAW! D'yaryo ng Bayan hatawtabloid.com
LADY luck must be on the side of Alden Richards. Inamin mismo ng actor na siya’y nagugulat sa mga nangyayari sa kanyang karir ngayon. Ang akala niya’y hanggang pagho-host lang siya sa Eat Bulaga at pagiging ka-loveteam ni Maine Mendoza ang itatakbo ng kanyang career pero patungo na ito sa pagiging Box Office King dahil sa patuloy na pamamayagpag ng kanilang pelikula ni Kathryn Bernardo, ang Hello, Love, Goodbye.
Isa na kami sa mga nakapanood ng pelikula at nakikita namin si John Lloyd Cruz kay Alden. Sobrang ikinatuwa ito ng aktor na maihambing sa kanyang iniidolong aktor.
Pagsisiwalat ni Alden, bago simulan ang shooting ng Hello, Love, Goodbye ay nag-text siya sa ngayo’y in hiatus pa ring aktor. Aniya, “Sabi ko, ‘Idan, gagawa ako ng project sa Star… si Direk Cathy ang director.
“Ang sabi niya lang sa akin, ‘Ang importante, masaya ka.’ ‘Yun po ang sinabi niya sa akin.”
Another blessing din ang pagdating ng series na The Gift na nagsisimula na ang taping.
Isang bulag dito si Alden at ang beneficiary ng Avel x Alden ay ang mga bata sa Northern Luzon Association for the Blind sa La Trinidad, Benguet. Ang laki ng kanyang pagkabigla nang malamang isang bulag ang gagampanan niya sa bagong teleserye.
Samantala, nagpunta ng Seoul, South Korea si Alden para tumanggap ng award sa Seoul International Drama Awards. Excited ang aktor dahil first time niyang makapunta sa Korea lalo pa at tatanggap siya ng award.
STARNEWS UPLOAD
ni Alex Datu
