Bossing Vic Sotto at Joey de Leon sumugod at nakisaya sa barangay sa selebrasyon ng 40th anniversary ng Eat Bulaga

Finally, last Saturday ay nakita sa Brgy. N.S Amoranto Quezon City sina Bossing Vic Sotto at Joey de Leon na sumugod at nakisaya sa lahat kasama ng kapwa EB Dabarkads para sa pagdiriwang ng 40th anniversary ng kanilang longest-running noontime variety show na Eat Bulaga.

Sa July 30, ang exact anniversary ng EB pero isang buwan ang ginawang selebrasyon ng show bilang pasasalamat sa lahat ng mga tumangkilik sa kanila mula noong 1979 hanggang sa taong kasalukuyan. Samantala sa rami ng palaro at entertainment, animo’y naging fiesta ang atmosphere sa N.S. Amoranto sa pagsugod ng EB Hosts.

For the first time ay sumama sa sugod-bahay sina Bossing at Joey de Leon kasama sina Jose Manalo, Wally Bayola, Paolo Ballesteros, Ryan Agoncillo at Alden Richards, at kumain din ng street foods, na nakahilera sa kabuuan ng kalye. Sa gitna ng kalye tumawag si Bossing ng contestant para sa sugod-bahay. At sa kauna-unahang pagkakataon, ay tumawag din si Joey ng isa pang contestant. So dalawa ang sugod-bahay winners sa araw na ‘yun. At sobrang lucky ng dalawang napili dahil bukod sa natanggap nilang iba’t ibang regalo at Bossing Savings Bank, ay tumanggap pa sila ng tig-P100K cash. Dahil sa kilalang public service show na rin ang Bulaga nang malaman nina Bossing Vic at Joey na nasunugan ang nasabing barangay, ngayong araw ay magpapadala pa ang Eat Bulaga ng tulong sa kanila.

VONGGANG CHIKA!
ni Peter Ledesma