STA. CRUZ, LAGUNA – Napatay ang isang lalaki matapos manlaban bago masilbihan ng search warrant ng mga awtoridad, Miyerkoles nang gabi sa bayan ng Sta Cruz, lalawigan ng Laguna .
Ayon sa pulisya, imbes sumuko sa mga pulis, bumunot umano ng baril at nagpaputok si Von Ryan Castillo, alyas Von, residente sa Bliss, Sitio 7, Brgy. Patimbao, Sta. Cruz, Laguna, kaya tinamaan ang isang operatiba sa kanyang bulletproof vest.
Napilitang balikan ng putok ng operatiba ang suspek at tinamaan ng bala ng baril sa katawan na agad isinugod sa Laguna Medical Center ngunit idineklarang dead-on-arrival, habang ang pulis na tinamaan ay dinala rin sa Laguna Medical Center para sa check-up na pinaniniwalaang nasa maayos na kalagayan.
Agad din humiling ang Sta. Cruz police station sa SOCO para iproseso ang lugar na pinangyarihan ng krimen. (BOY PALATINO)
