HATAW! D'yaryo ng Bayan hatawtabloid.com
NAGULAT ang mga taga-Caloocan City na nag-a-apply ng kanilang business permits dahil may biglang bagong ‘insurance policy’ ang Business Permits and Licensing Office (BPLO).
Inire-require umano ng BPLO na ang bawat applicants na may insurance na Comprehensive General Liability (CGL) ay dadaan muna sa Sterling insurance for authentication kuno?!
Wattafak!?
Itong pagkuha raw ng authentication sa Sterling Insurance ang first step ngayon para sa renewal ng business permit sa Caloocan City.
Ibig sabihin, ito ngayon ang basic requirement ng BPLO.
Anak ng tungaw!
Bagamat nagtataka ang mga negosyante at insurance agents kung bakit nagkaroon ng ganitong tara ‘este policy, e wala naman silang magagawa dahil mas mahihirapan sila kung hindi maiisyuhan ng bagong business permit.
Nagtataka sila dahil hindi naman daw ganito sa Quezon City, sa Maynila, sa Mandaluyong, sa Parañaque at sa iba pang siyudad sa Metro Manila maliban sa Makati City.
Yes, it sounds familiar, dahil ang scheme na ito ay ginagawa ng Makati (na naisulat na rin natin, two years ago).
Ayon sa ilang group of Caloocan City businessmen, hindi nila maiwasang mag-isip nang hindi maganda dahil nagkataon na isinasabay ito sa panahon ng eleksiyon.
Ang usap-usapan nga raw sa Caloocan City, ang kikitain sa kung tawagin nila ay ‘money making scheme’ ay P.1 bilyong campaign fund?!
Naku ha, alam kaya ni Mayor Oca Malapitan ‘yan?
E paano naman malilikom itong P.1 bilyong campaign fund?
‘Yan po ang tanong natin sa impormante.
Sabi ng informant sa 100% na CGL payment, 40% lang dito ang may resibo at ang 60% ay tara o ‘centralized’ at hindi kasama sa resibo.
Pakiklaro lang po BPLO Caloocan!
‘Yung 60% umano ang napupunta sa mga ‘kinauukulan.’
‘Yun din kayang 60% na ‘yun ang pagmumulan ng pondo para sa kampanya?!
Sino kaya ang ‘matapang’ na taga-BPLO Caloocan ang sasagot sa tanong nating ito?!
Pakisagot na nga po nang malinawan naman ang mga nagtatanong na mamamayan ng Caloocan!
‘CGL INSURANCE’
MUST BE AUTHENTICATED
BY STERLING INSURANCE?
(Sterling na naman?!)
But wait there’s more…
Puwede naman daw kumuha ng Comprehensive General Liability (CGL) sa kahit anong insurance company — pero…may malaking pero…
Pero, kailangan na authenticated muna sila ng Sterling Insurance.
O ‘di ba, sounds familiar, gaya rin ito sa Makati City.
Kaya muli nating itatanong, bakit isang private insurance company ang kailangan mag-authenticate sa isa pang private insurance company?!
At bakit kailangan pa nilang magpa-authenticate sa Sterling kung rehistrado naman sila sa Securities and Exchage Commission (SEC)?
At bakit nga Sterling ang mag-o-authenticate sa iba pang insurance company? Paulit-ulit ‘di ba?
Bakit hindi authentication ng Insurance Commission ang hinihinging rekesitos ng BPLO?
Anong ‘super powers’ mayroon ang Sterling, para mag-authenticate ng iba pang insurance company na pagkukuhaan ng CGL ng mga businesses na nagpapa-renew ng lisensiya sa Caloocan City?!
Mayroon bang ‘lihim ng Guadalupe’ o Pandora’s box sa likod ng authentication ng Sterling Insurance?!
‘Yan po ang abangan natin, mga suki, sa mga susunod na araw.
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
