Pepe, nagpahinga lang, ‘di iniwan ang showbiz 

 

NILINAW ng stage/movie actor na si Pepe Herrera ang napabalitang nag-quit na siya sa showbiz, isang taon siyang nawala sa sirkulasyon.

Bakit niya naisipang bumalik?

“Para kumita uli ng pera,” at tumawa si Pepe, “Well, at saka I guess I was able to rest well for a year.”

Nagpahinga lang siya, hindi totoong tinalikuran na niya ang showbiz.

“Mga ano lang po ‘yun, mga balitang nag-evolve dahil lumipat sa kung saan-saang tenga.”

Nangibang-bansa si Pepe.

“I went to New Zealand, sa relatives ko po roon, kasama ng mother ko, and then sa Switzerland din, kasi roon semi-based ‘yung mother ko eh, she plans to retire there actually.”

Isang taon siya sa abroad?

“One year na pabalik-balik. Hindi naman talaga a year, more or less mga ten months.”

Habang nasa abroad ba siya ay na-realize niyang hindi niya kayang iwan ang showbiz?

“Well, first and foremost hindi ko naman siya balak iwanan, kailangan ko lang talagang magpahinga.

“April last year ako umalis, tinapos ko po muna ‘yung ‘Sa Wakas,’ ‘yung musical, which I also did again when I came back, ‘yung rerun, tapos ‘yun, bumalik po ako (sa Pilipinas) mga October-November.”

Hindi na siya magpapahinga uli?

“Magpapahinga po ako ngayon actually, December, pero isang buwan lang, hang­gang January lang.

“Sa Eu­rope po uli, kasi nan­doon mo­ther ko eh.”

RATED R
ni Rommel Gonzales