HATAW! D'yaryo ng Bayan hatawtabloid.com
PROUD si Ynez Veneracion na sabihing mentor niya ang award-winning actress na si Sylvia Sanchez. Marami ang pumuri kay Ynez sa kanyang naging performance sa tinampukang MMK episode with Loisa Anadlio at Ms. Gina Pareño.
Ayon sa aktres, pinaghandaan talaga ng dating sexy actress ang papel niya rito sa tulong na rin ni Ms. Sylvia. ”Ang ginawa ko, humingi ako ng advice sa aking mentor na si Ms. Sylvia Sanchez. Sabi ko nga naku po ‘yung mga eksena kailangan talagang ramdamin mo, kasi pag hindi malalamon ka ng hindi mo alam, maiiwan ka, parang ganoon… Actually, hindi ka naman nila lalamunin, I mean hindi ka nila lalamunin nang sadyang lalamunin ka nila… Actually like Gina Pareño, mapagbigay ‘yan, nagbibigay iyan.
“Tapos s’yempre ‘yung bawat eksena iisipin mo kung paanong atake ang gagawin mo. Like pag galit ka, sabi nga ni Ate Sylvia, ‘Hindi na uso ngayon ‘yung sigaw ka nang sigaw ha. Dapat eto, dapat ganyan. Diin, puso, isip.’ So noong nandoon ako sa set, si Ate Sylvia ang naiisip ko. Puso, isip, puso, isip…. Mukha akong sira ulo, lakad ako nang lakad… lalo na kapag mabigat na ‘yung eksena. Talagang pinapasok ko talaga ‘yung sarili ko,” mahabang kuwento ni Ynez.
Dagdag ng aktres, “Sa The Greatest Love nga ilan ang awards na nakuha niya? Sampung Best Actress? Kaya lahat ng mga sinasabi niya, talagang iniisip ko. Kasi gusto kong matuto, kasi naniniwala ako at alam ko na kahit na marunong na akong umarte ay marami pa rin akong dapat na matutuhan. Kaya nakikinig ako sa kanya, kasi sabi ko, ‘Ate willing akong matuto.”
“Pero hindi, nagbibigay siya, marunong siyang magbigay sa lahat ng mga kaeksena n’ya. Actually dati sabi ko natatakot ako ninenerbiyos akong maka-eksena siya pero mayroon akong isang artistang kaibigan, na pinayuhan ako na, ‘Huwag kang matakot, be yourself, gawin mo kung ano ‘yung gagawin mo kasi si ate Sylvia, nagbibigay ‘yan, di ‘yan marunong manglamon. Nagbibigay ‘yan, ‘pag eksena mo, eksena mo’.”
Idinagdag ni Ynez na sakaling magkasama sila sa pelikula ni Ms. Sylvia, dapat daw na paghandaan niya itong mabuti para makasabay sa galing ng kanyang mentor.
ALAM MO NA!
ni Nonie Nicasio
