HATAW! D'yaryo ng Bayan hatawtabloid.com
SA The Girl in the Orange Dress naman of direk Jay Abello na ipinrodyus ng Quantum Films ni Josabeth Alonzo, Star Cinema at MJM Productions, kakaibang lovestory naman sa dalawang hindi magkakilalang mga tao ang binigyang buhay nina Jessy Mendiola at Jericho Rosales.
Matatatakan mo nga ng kulay kahel ang pag-iibigang namagitan sa dalawa na isang gabing nagsama at nang magmulat ang kanilang mga mata, binago ng mundo ang mga buhay nila.
Sa isang iglap nasa iisang kama na ang sikat na aktor ng bansa at ang misteryosang babae na ang tanging pagkakakilanlan eh, ang matingkad na kulay ng suot nito nang matulikap sila ng paparazzi.
Istorya naman ito nina Rye at Anna.
Sa 3M combined views at 61K total shares ng mga nakapanood na sa trailer ng pelikula mukhang hahataw ito sa MMFF showing on Christmas Day.
Hahatakin ‘ata ng mga tagahanga ni Lino sa Halik ang mga kababaihang nakikisimpatya sa kanya at sumusuporta sa pananakit ng pusong ginagawa sa kanya ng asawa niya sa nasabing teleserye.
Si Anna kaya ang sasaluduhan nila sa TGITOD sa Pasko?
Hindi naman tinitingnan ni Echo ang paghawak ng tropeo na panalo sa gabi ng parangal ng kanilang pelikula. Gusto pa rin niya na mas marami ang makapanood ng kanilang pinaghirapang proyekto.
Parehong malaki ang pasasalamat nila ni Jessy sa producer na si Atty. Joji.
Umaatras na sa buhay niya sa showbiz si Jessy. Handa nang balikan ang ordinaryong buhay bilang estudyante sa muling pagsabak sa pag-aaral. Pero nagdadalawang-isip na naman siya nang muli siyang umarte sa pelikula.
Jericho naman wants to mark up to his wife Kim Jones. Dahil sa sunod-sunod na pagdating naman ng mga proyekto sa kanya na ayaw na niyang pakawalan, oras ang nasasayang at ‘di niya kompletong naibibigay sa misis niya.
“This Christmas, we will spend it with our familes. Lunch. Dinner. Lahat na. After that, i will whisk her away somewhere na kanyang-kanya lang ako. How many days, I don’t know. Basta kaming dalawa lang. Walang istorbo!”
Who knows baka after nine months may little Echo or Kim ng iluwal sa mundo!
Mukhang walang itulak-kabigin sa entries this coming MMFF 2018.
Here are two relatable love stories to thug at our heartstrings.
Ano at sino nga ba ang one great love ng buhay natin. At ano ang sikreto ng babaeng tama nga ba ang kinalagyan that one fateful night sa lalaking dapat nga bang pumasok sa buhay niya?
Interesting stories. Check!
HARDTALK
ni Pilar Mateo
Direk Eric, genuine actors ang tingin kina Kim, JC at Dennis
