Momoland, makikisaya sa Frontrow members 

NAGKA­ROON  ng Meet and Greet sa bansa  ang isa sa pinakasikat na all girl K-Pop group na Momoland na hatid ng Frontrow  nina RS Francisco  at Sam Versoza.

Ayon kay Direk RS, “Thanksgiving po namin iyan para sa Frontrow members na K-Pop fans. Hindi po namin siya in-open sa public. Wala po siyang ticket for sale. Para lang po talaga ito sa Frontrow members na mahilig sa Momoland.”

Isa nga itong maagang Pamasko para sa mga Momoland supporters na mga Frontrow member dahil libre nilang makikita ng live ang sikat na Kpop group.

Ang Momoland Meet and Greet ay magaganap ngayon December 3 sa ABS-CBN Vertis Tent. Magkaroon ng bboom bboom afternoon of fun and excitement  #Frontrow and #Momoland!

MATABIL
ni John Fontanilla

Andrea, hindi totoong maldita