Direk Jun, ayaw sa mga unprofessional at late

READ: Sue, allergic sa sinungaling

MALAKI ang pagpapasalamt ni Direk Jun Robles Lana dahil habang ginagawa niya ang Ang Babaeng Allergic Sa WiFi ay wala siyang nakasalamuhang mga artistang nag-inarte kahit inaabot na sila ng madaling araw sa syuting.

Special mention nito ang beteranang aktres na si Boots Anson-Roa na walang angal sa oras ng syuting at hindi humihingi ng cut off. Kaya naman, inuuna niya ang mga eksena ng beteranang aktres.

Inamin ni Direk Jun na kapag nasa set siya ay allergic siya sa mga unprofessional. Ganoon din sa mga late.

“I talk to them and I let them understand that they are working on a tight schedule, every second counts. ‘Yun lang naman eh, otherwise magkakasundo naman lahat pero sa mga unprofessional at late, magiging allergic sila sa akin.”

Inamin din nito na nasa bagong henerasyon na sila ng mga gumagawa ng pelikula na hindi kailangan ang mambato ng mga bagay sa kanyang mga aktor,

“Hindi na uso ‘yung ganoon. Hindi maiiwasan na magalit, paminsan-minsan, sisigaw ka just to get their attention.  Never personal, trabaho lang siya.” 

STARNEWS UPLOAD
ni Alex Datu