Pangungulit ni Joshua, kinaiinisan ni Julia; pagka-moody ng dalaga, love ng aktor

SHOWING na ang  I Love You, Hater  kaya naman kinakabahan ang JoshLia dahil maraming agam-agam sa parte ni Julia Barretto dahil ang mga tao ngayon kapag nanonood ay hindi lang basta panoorin ka kundi aalamin din kung paano mo nabigyan ng justice ang karakter mo sa pelikula.

Kuwento ng aktres, ”ilang days na lang at parang nag-skip ‘yung heart ko. Everytime na may lumalabas (kaming) pelikula may heart really beats so fast and I get so nervous and excited.  I don’t know how to feel parang all over the place ang pakiramdam ko.”

Sabi naman ng aktor, ”masaya po kasi pang-apat na namin itong pelikula ni Baba (tawagan nila ni Julia) pero mas masaya ako para kay direk Giselle kasi siyempre kasama namin si Ms Kris Aquino. Kaya masaya ako para sa ‘yo direk kasi may bago ka na namang pelikula. At siyempre sa atin (sabay lingon kay Julia),” saad ng batang aktor.

Nabanggit din ng JoshLia na tinatanong nila sa Star Cinema kung magkano kinikita ng pelikula nila sa araw-araw kaya ganito rin ang gagawin nila sa I Love You, Hater.

“Mino-monitor namin ‘yung kita kung magkano na. Tapos may ginagawa rin kami ni Julia, nanonood kami secretly kasi tinitingnan naming kung ano ang reaksiyon ng tao.

“Iba-iba kami nanonood, kasi may mall na pang-masa, may mall na pang mayaman so, tinitingnan namin ang reaksyon nila kasi lahat sila iba-iba, eh. ‘Pag sa mayaman, medyo corny sa kanila ‘yung jokes. Sa masa naman benta ‘to,” pagtatapat ni Joshua.

At dahil I Love You, Hater ang titulo ng pelikula ay tinanong ang dalawa kung ano ang hate at love nila sa isa’t isa.

Si Julia muna ang sumagot, ”si Josh kasi mahilig mangulit, pero maganda rin ‘yung may nangungulit pero minsan kasi kapag wala kang tulog, pagod na pagod ka alam mo ‘yun? Pero in-embrace ko na ‘yun kasi hindi naman siya talaga makulit as a person sa akin lang talaga siya makulit. 

“Ako kasi kapag sinabi kong tama na (makulit), tama na. Hindi ako ‘yung tipo na secretly gusto ko pa. So ‘yun ‘yung medyo hindi naman hate, kundi tama na, wag mo na masyadong i-push.

“Pero hinahanap ko kasi kapag may eksena akong kukunan that day, walang nangungulit, boring pala, so nakaka-miss ‘yun ‘yung na-accept ko na, in-embrace at ni-love.”

Ang pagiging moody naman ni Julia ang ayaw ni Josh, ”pero love ko ‘yan!” sabi ng binata.

Pagsusumbong ni Julia, ”Kasi nga mahilig mangulit tapos kapag nagalit ako, magtatampo siya bakit ako nagalit, pero kasalanan naman niya, kaya roon talaga. Hindi ko na alam kung saan ako lulugar.”

Biglang kambyo ng aktres, ”ang maganda kasi kay Joshua kapag nagsabi ako ng mga tampo ko, sinasabi ko lahat, isa-isa at hindi ‘yan kumikibo at tahimik lang siya. So, ‘pag tahimik siya parang apu-frustrate ako, parang ako na lang, salita ng salita? After kong sabihin lahat, in fairness nakikinig pala siya at isa-isa niyang iso-sorry one by one, so it’s sorry na hindi bumigay (makipagbati), girl ako, eh. In fairness, he’s a good listener.”

FACT SHEET
ni Reggee Bonoan