HATAW! D'yaryo ng Bayan hatawtabloid.com
FEW days from now ay balik bansa na uli si Tyrone Oneza na parami ng parami na ang ipinagkakaloob na titulo na ang latest ay “lalaking Nora Aunor,” kasi tulad ni Ate Guy ay napaka-matulungin ni Tyrone sa kanyang Tyronenatics sa buong bansa. Magmula sa bata, dalaga, binata, nanay, tatay, lolo at lolang fans ay hindi namimili si Tyrone ng kanyang tutulungan. Sa katunayan marami na siyang pinag-aaral ng libre sa kanyang TOSP o Tyrone Oneza Scholarship Prog at umaabot na pala sa 3 million pesos ang naibigay nito sa lahat ng fans na humiling sa kanya ng gadgets, appliances, toys, shoes, bag, wallet at cash na every week ay nagtutungo ng personal si Tyrone sa BDO para makapagpadala ng pera sa kanyang scholars at mga nanalo sa kanyang pakontes sa “Tyrone Oneza FB Wheel of Fortune.” Pero ang ikinadurog talaga ng aming puso ay ‘yung pinadalhan niyang pamilya na halos wala nang makain dahil walang pambili gayondin ‘yung isang tagahanga niya na si Francia Martinez na dahil sa kahirapan ay naisangla ang cellphone. Humiling ito sa idolong recording artist-business sa Tyronenatics Wish Ko Lang at presto ginrant ni Tyrone ang kahilingan niya kaya’t natubos nito ang kanyang cellphone. At ngayong taon ay mas mahaba-haba ang magiging bakasyon ni Tyrone at magtatagal siya ng 45 days sa pag-stay dito kasama na ang pag-iikot sa buong Filipinas at malaking Fans Day, at excited na ang kanyang mga Tyronenatics sa mga pasalubong niya rito kasama ng ang mamahaling gadgets at mamimigay rin siyempre siya ng cash. Kasama sa bakasyon ng ballader ng masa ang ilang TV and radio guesting at concert na rin.
VONGGANG CHIKA!
ni Peter Ledesma
