Saturday , September 21 2024
Centro Escolar University CEU Scorpions
Centro Escolar University CEU Scorpions

Scorpions, swak na sa playoffs

PASOK na sa playoffs ang lider na Centro Escolar University matapos daigin ang University of Perpetual Help System Dalta, 90-85 kahapon sa 2018 Philippine Basketball Association Developmental  (PBA D) League Aspirants’ Cup sa JSCGO Gym sa Cubao, Quezon City.

Bukod sa napanatili ang tangan sa tuktok ng standings, naabot na ng Scorpions (7-1) ang kinakailangang ikapitong panalo upang masikwat ang isa sa anim na silya sa playoffs.

At kung sakaling magtuloy-tuloy ang ratsada ay malaki ang tsansa ng CEU na masungkit na rin ang isa sa top 2 puwesto na magbibigay sa kanila ng deretsong tiket sa semi-finals.

Sa kabila nito, hindi naging madali ang panalo ng Scorpions dahil kinailangan pa nilang makarekober matapos lustayin ang 16 puntos kalamangan.

Komportable sa unahan, tangan ang 80-64 na kalamangan, biglang nagkumahog sa dulo ang Scorpions nang dumikit hanggang 85-83 ang Altas bago nila tinapos ang laro sa 5-2 panapos na bomba tungo sa mahirap na panalo.

Umariba sa 27 puntos si Rich Guinitiran habang kumayod ng 22 puntos at 12 rebounds ang Congolese import na si Rod Ebondo.

Sumuporta rin sa Joseph Manlangit ng 16 puntos at 7 rebounds para sa CEU na kinubra ang kanilang ikaapat na sunod na panalo buhat nang malasap ang katangi-tangi nilang kabiguan kontra Go For Gold noong nakaraang 25 Pebrero.

Sa kabilang banda, hindi rin sumapat ang 23 puntos, 17 rebounds at 4 supalpal ni Prince Eze sa Perpetual na nalasap ang kanilang ikatlong sunod na panalo tungo sa 2-5 baraha.

Sa unang laro, sinilat ng Gamboa-St. Clare (4-3) ang Zark’s Burgers-Lyceum (4-4), 107-106 sa pangunguna ng Filipino-American na si Trevis Jackson na nagtala ng game-high na 29 puntos. (JBU)

About John Bryan Ulanday

Check Also

Jasmin Bungay

BPCI nanguna sa publilc send off kay Bb. Pilipinas – Globe 2024 para sa kompetisyon sa Albania

PINANGUNAHAN ng Bb. Pilipinas Charities Inc. (BPCI) kasama ang mga tagahanga at tagasuporta ng patimpalak …

Cayetano Kailangan ng matibay na pundasyon para sa FIVB 2025 sa Pilipinas

Cayetano: Kailangan ng matibay na pundasyon para sa FIVB 2025 sa Pilipinas

Habang naghahanda ang Pilipinas para sa solo hosting ng FIVB Volleyball Men’s World Championship Philippines …

Pambansang Koponan na Padel Pilipinas handa na para sa Asia Pacific Padel Cup

Pambansang Koponan na Padel Pilipinas handa na para sa Asia Pacific Padel Cup

INIHAYAG ng Padel Pilipinas, ang opisyal na Padel Federation ng bansa na kinikilala ng Philippine …

Mga Linya ng Laban sa FIVB Volleyball Mens World Championships

Mga Linya ng Laban sa FIVB Volleyball Men’s World Championships

NAITALA na ang mga linya ng laban, kasama ang Alas Pilipinas, ang back-to-back Olympic champion …

SWIM BATTLE A Thrilling Finale to the Swim League Philippines Season

SWIM BATTLE: A Thrilling Finale to the Swim League Philippines Season

The Swim League Philippines (SLP) concluded its season with a resounding finale, the SWIM BATTLE, …

Leave a Reply

Your email address will not be published. Required fields are marked *