Tuesday , July 29 2025
mark pingris injury
mark pingris injury

Pingris malabo na sa semis

MALABO nang matulungan ni Marc Pingris ang koponan na Magnolia sa natitirang bahagi ng 2018 Philippine Basketball Association (PBA) Philippine Cup best-of-seven semi-finals series.

Nadale ng knee injury si Pingris kamakalawa sa Game One kontra sa NLEX kung kailan yumukod ang Hotshots, 87-88.

Sa huling 4:39 ng laro, ang Magnolia, 76-73, biglang bumagsak sa kanyang sarili si Pingris at kaagad na hinawakan ang kanyang kaliwang tuhod.

Halos maghumiyaw ang 36-anyos na si Pingris sa sakit nana kanyang naramdaman na siyang naging dahilan ng pagkatahimik ng Smart Araneta Coliseum.

Hindi na nakabangon pa ang tubong Pozzorubio, Pangasinan hanggang kinailangan na nga siyang isakay sa stretcher palabas ng court. Kaagad din siyang dinala sa ospital pagkatapos ng laro.

Sumailalim na si Pingris kamakalawa ng gabi sa magnetic resonance imaging (MRI) upang malaman ang tunay na injury.

Ngunit anoman ang maging resulta ay posibleng hindi na makalaro simula sa Game Two si Pingris dahil ito rin ang parehong injury na nakadale sa kaniya noong nakaraan.

Noong nakaraang taon ay nadale rin ng hip injury ang beteranong manlalaro ng Magnolia, dahilan ng kanyang hindi paglalaro sa Commissioner’s Cup at Governors’ Cup.

Bukod kay Pingris, may minor injuries din sina Justin Melton at Mark Barroca na dumagdag sa problema ng Hotshots.

Sa kabila nito, tatangkaing maging matatag ng Magnolia sa pangunguna nina Paul Lee, Ian Sangalang at PJ Simon upang maitabla ang serye sa 1-1.

Magpapatuloy ang umaatikabong Game Two ngayon sa Mall of Asia Arena, na tatangkain ng NLEX ang 2-0 abanse sa serye. (JBU)

Krystall Herbal Products and FGO Branches

About John Bryan Ulanday

Check Also

AFAD

Association of Firearms and Ammunition Dealers of the Philippines, Inc.
AFAD kaagapay ang gobyerno sa responsableng pagmamay-ari ng baril, Suporta sa Philippine shooting team

ASAHAN ang mas masigla at progresibong industriya ng baril sa hinaharap dahil  sa suporta ng …

Karl Eldrew Yulo Cynthia Carrion

Karl Eldrew Yulo, Positibong Tatapatan ang Presyon sa World Juniors sa Maynila

BAGAMAT aminado sa presyon ng pagiging host country, nananatiling positibo si Karl Eldrew Yulo na …

LRTA FIVB Mens World Championship

LRTA, mas pinalakas ang kampanya para sa FIVB Men’s World Championship

LUBOS na ang pagpapaigting ng kampanya para sa pagho-host ng Pilipinas ng 2025 FIVB Volleyball …

PH Blu Girls WBSC Womens Softball Asia Cup 2025

PH Blu Girls tinambakan SoKor sa China  
7-0 sa WBSC Women’s Softball Asia Cup

NAGPAKITA ng mahusay na laro ang Philippine Blu Girls sa WBSC Women’s Softball Asia Cup …

Eric Singson Tats Suzara ANV PNVF

Candon, PNVF, pinapahalagahan ang ‘volleyball tourism’

DAHIL sa tagumpay ng kasalukuyang 2025 Southeast Asian Volleyball League, hindi na nag-aksaya ng oras …

Leave a Reply

Your email address will not be published. Required fields are marked *