Thursday , May 2 2024

Batangas niyanig ng 6.3 lindol (Naramdaman sa Metro Manila); 8 paaralan nagsuspendi ng klase

NAGLABASAN ang mga estudyente at mga guro ng Araullo High School sa Ermita, Maynila nang maramdaman ang 6.1 magnitude na lindol sa Metro Manila kahapon dakong 1:28 pm na nagdulot ng pagsisikip ng trapiko nang maglabasan ang mga tao sa kanilang gusali dahil sa takot. (BONG SON)
NIYANIG nang may ilang segundong lindol ang Batangas, at nadama ito sa ilang bahagi ng Metro Manila, nitong Biyernes ng hapon.

Ayon sa Phivolcs, naitala sa magnitude 6.3 ang lindol na ang sentro ay nasa 16 kilometro sa kanluran ng Nasugbu, Batangas dakong 1:28 pm.

Inaasahan ang ilan pang aftershocks makaraan ang pagyanig.

Bunsod nito, lumabas ang mga tao mula sa mga gusali, katulad ng mga empleyado ng Palasyo mula sa New Executive Building, at Department of Agrarian Reform sa Quezon City.

Naramdaman ang lindol sa sumusunod na mga erya: Intensity IV – Calapan, Mindoro; Subic, Zambales; Rosario, Cavite; Manila City; Sablayan, Occidental Mindoro; Intensity III – Pateros City; Quezon City; Makati City; Malolos, Bulacan; Cainta, Rizal; Calamba, Laguna; Intensity II – Magalang, Pampanga; Tanauan City, Batangas; Intensity I – Talisay, Batangas.

Habang naramdaman ang instrumental intensities sa: Intensity III – Calumpit, San Ildefonso, Bulacan; Tagaytay City; Intensity II – Lucban, Quezon

Sinabi ni Phivolcs Director Renato Solidum, ang lindol ay “not that strong” at hindi inaasahang magdudulot ng paggalaw ng ibang “faults.”

Sa isang naunang report mula sa Reuters, magnitude 6.6 ang lindol na naranasan ngayong hapon.

8 PAARALAN
NAGSUSPENDI
NG KLASE

NAGSUSPENDI ng klase at trabaho ang ilang paaralan dahil sa naranasang pagyanig nitong Biyernes ng hapon.

Kabilang sa mga paaralang nag-anunsiyo ng suspensiyon ng klase at trabaho ang De La Salle University sa Taft Ave., Manila; Far Eastern University Makati; Far Eastern University Manila; at Lyceum of the Philippines University- Batangas Campus.

Habang sinuspendi rin ang klase ngunit tuloy ang trabaho sa Manila Tytana Colleges; Pamantasan ng Lungsod ng Maynila; Philippine Women’s University Manila; at University of Baguio.

Niyanig ng magnitude 6.3 lindol ang Batangas dakong 1:28 pm kahapon, na bumulabog din sa ilang bahagi ng Metro Manila.

About hataw tabloid

Check Also

Navotas

Navotas magpapatupad ng bagong oras sa trabaho

MAGPAPATUPAD ang pamahalaang lungsod ng Navotas ng bagong iskedyul ng oras sa trabaho simula 2 …

gun shot

Nurse, 1 pa todas
SENGLOT NA SEKYU SUMEMPLANG 2 TUMULONG PINAGBABARIL

ISANG nurse at isang pang lalaki ang namatay sa pamamaril ng lasing na rider, nang …

road accident

7-anyos, nanay, 1 pa patay, 17 sugatan sa bus na nawalan ng preno

PATAY ang tatlo katao kabilang ang isang 7-anyos na batang babae, ang kanyang nanay, at …

Las Piñas KALINISAN Bagong Pilipinas clean-up drive

Las Piñas nagsagawa ng KALINISAN sa Bagong Pilipinas clean-up drive

INILUNSAD ng Department of the Interior and Local Government (DILG) at pamahalaang lungsod ng Las …

050124 Hataw Frontpage

Naririnig ko lang na may perks… pero hindi itong MLM scheme – DOH chief
BELL KENZ TUMANGGING SANGKOT SA MULTI-LEVEL MARKETING

ni Niño Aclan ITINANGGI ng kompanyang Bell Kenz Pharmaceutical, Inc., ang akusasyon na sangkot sila …

Leave a Reply

Your email address will not be published. Required fields are marked *